ਨਵੇਂ ਵਰ੍ਹੇ ਵਿੱਚ ਸਾਹਿਤਕਾਰ ਮਾਦਾ ਭਰੂਣ-ਹੱਤਿਆ ਵਿਰੁੱਧ ਆਵਾਜ਼ ਉਠਾਉਣ: ਪ੍ਰੇਮ

ਕਾਰਵਾਈ ਰਿਪੋਰਟ

ਪ੍ਰਸਿੱਧ ਗਜ਼ਲਗੋ ਨਵੀਨ ਕਮਲ ਆਪਣੀ ਗਜ਼ਲ ਕਹਿੰਦੇ ਹੋਏ - (ਖੱਬਿਓਂ ਸੱਜੇ), ਡਾ. ਦਰਸ਼ਨ ਸਿੰਘ ਆਸ਼ਟ, ਪ੍ਰਿੰ: ਮੋਹਨ ਸਿੰਘ ਪ੍ਰੇਮ, ਡਾ. ਤਰਲੋਕ ਸਿੰਘ ਅਨੰਦ, ਪ੍ਰਿੰ: ਪ੍ਰਿਤਪਾਲ ਸਿੰਘ।

...........

‘‘ਹੱਡ ਬੀਤੀ - ਜੱਗ ਬੀਤੀ" ਉੱਪਰ ਗੋਸ਼ਟੀ ਤੇ ਸਾਹਿੱਤਕ ਸਮਾਰੋਹ

ਕਾਰਵਾਈ ਰਿਪੋਰਟ

ਸਮਾਗਮ ਦੌਰਾਨ ਮੌਜੂਦ ਸਾਹਿਤਕਾਰ ਇੱਕ ਸਾਂਝੀ ਤਸਵੀਰ ਵਿੱਚ ਦਿਖਾਈ ਦੇ ਰਹੇ ਹਨ।

3 ਦਸੰਬਰ 2006, ਦਿਨ ਐਤਵਾਰ, ਨੂੰ ਪੰਜਾਬੀ ਸਾਹਿਤ ਸਭਾ (ਰਜਿ:) ਪਟਿਆਲਾ ਵੱਲੋਂ ਢੁਡਿਆਲ ਖਾਲਸਾ ਸੀ:ਸੈ: ਸਕੂਲ, ਖਾਲਸਾ ਮੁਹੱਲਾ, ਪਟਿਆਲਾ ਦੇ ਲੈਕਚਰ ਹਾਲ ਵਿੱਚ ‘‘ਹੱਡ ਬੀਤੀ - ਜੱਗ ਬੀਤੀ’’ ਉਪਰ ਗੋਸ਼ਟੀ ਤੇ ਸਾਹਿੱਤਕ ਸਮਾਰੋਹ ਆਯੋਜਿਤ ਕੀਤਾ ਗਿਆ। ਪ੍ਰਧਾਨ ਵਜੋਂ ਡਾ: ਹਰਜੀਤ ਸਿੰਘ ਸੱਧਰ, ਵਿਸ਼ੇਸ਼ ਮਹਿਮਾਨ ਡਾ: ਮਨਜੀਤ ਸਿੰਘ ਬੱਲ ਅਤੇ ਕੈਪਟਨ ਮਹਿੰਦਰ ਸਿੰਘ, ਸਭਾ ਦੇ ਪ੍ਰਧਾਨ ਪ੍ਰਿੰ: ਮੋਹਨ ਸਿੰਘ ਪ੍ਰੇਮ ਅਤੇ ਡਾ: ਦਰਸ਼ਨ ਸਿੰਘ ਆਸ਼ਟ ਪ੍ਰਧਾਨਗੀ ਮੰਡਲ ਵਿੱਚ ਸ਼ਸ਼ੋਭਿਤ ਹੋਏ।
ਪ੍ਰਿੰ: ਪ੍ਰੇਮ ਨੇ ਹਾਜ਼ਰ ਸਰੋਤਿਆਂ ਦਾ ਹਾਰਦਿਕ ਸਵਾਗਤ ਕਰਦਿਆਂ ਦੱਸਿਆ ਕਿ ਪਿਛਲੇ ਮਹੀਨੇ ਗੁਰੂ ਨਾਨਕ ਦੇਵ ਜੀ ਦੇ ਅਵਤਾਰ ਧਾਰਨ ਦੇ ਗੁਰਪੁਰਬ, ਭਾਸ਼ਾ ਵਿਭਾਗ ਦੇ ਪੰਜਾਬੀ ਸਪਤਾਹ ਅਤੇ ਨਿੱਜੀ ਕਾਰਨਾਂ ਕਰਕੇ ਮੀਟਿੰਗ ਨਹੀਂ ਹੋ ਸਕੀ ਸੀ । ਰਮੇਸ਼ ਕੁਮਾਰ ਦੇ ਬੰਸਰੀ ਵਾਦਨ ਨਾਲ ਪ੍ਰਾਰੰਭ ਹੋਇਆ। ਸ: ਹਰਪ੍ਰੀਤ ਸਿੰਘ ਰਾਣਾ ਨੇ ਉਪਰੋਕਤ ਪੁਸਤਕ ਤੇ ਪੇਪਰ ਪੜ੍ਹਿਆ। ਮੁਖਤਿਆਰ ਸਿੰਘ, ਸ੍ਰੀ ਬਾਬੂ ਸਿੰਘ ਰੈਹਲ, ਸੁਖਦੇਵ ਸਿੰਘ ਚਾਹਲ, ਪ੍ਰਿੰ: ਮੋਹਨ ਸਿੰਘ ਪ੍ਰੇਮ, ਅਮਰੀਕ ਸਿੰਘ ਝੱਜ ਨੇ ਭੱਖਵੀਂ ਬਹਿਸ ਵਿੱਚ ਹਿੱਸਾ ਲਿਆ ਅਤੇ ‘‘ਹੱਠ ਬੀਤੀ - ਜੱਗ ਬੀਤੀ’’ ਪੁਸਤਕ ਨੂੰ ਮਿੰਨੀ ਕਹਾਣੀਆਂ ਦੀ ਸਫ਼ਲ ਪੁਸਤਕ ਵਰਣਨ ਕੀਤਾ।
ਦੂਜੇ ਭਾਗ ਵਿੱਚ ਬਾਬੂ ਸਿੰਘ ਰੈਹਲ ਨੇ ਨਵੀਂ ਕਹਾਣੀ ‘‘ਚਾਨਣ ਦਾ ਕਤਲ" ਪੇਸ਼ ਕੀਤੀ ਜਿਸਨੂੰ ਹਾਜ਼ਰੀਨਾਂ ਵਲੋਂ ਬਹੁਤ ਸਲਾਹਿਆ ਗਿਆ। ਅਣਜੰਮੀਆਂ ਕੁੜੀਆਂ ਨੂੰ ਕਤਲ ਕਰਕੇ ਬਜ਼ੁਰਗ ਹੋਇਆਂ ਨੂੰ ਬੱਚਿਆਂ ਦੀ ਰੌਣਕ ਨੂੰ ਤਰਸਦੇ ਦਿਖਾਕੇ ਕਹਾਣੀਕਾਰ ਰੈਹਲ ਨੇ ਵਿਸ਼ੇ ਤੇ ਸ਼ੈਲੀ ਪੱਖਾਂ ਦੀ ਪੇਸ਼ਕਾਰੀ ਵਿੱਚ ਕਮਾਲ ਕਰ ਦਿੱਤੀ ਹੈ। ਮੈਡਮ ਜੌਹਰੀ, ਗੁਰਚਰਨ ਸਿੰਘ ਪੱਬਾਰਾਲੀ, ਗੁਰਚਰਨ ਸਿੰਘ ਚੌਹਾਨ, ਹਰਸ਼ਰਨ ਸ਼ਰੀਫ਼, ਪ੍ਰੋ. ਅਰਵਿੰਦਰ ਸਿੰਘ, ਬਲਜੀਤ ਸਿੰਘ ਭਲੂਰੀਆ, ਮਨਜੀਤ ਪੱਟੀ, ਭਾਗਵਿੰਦਰ ਸਿੰਘ ਦੇਵਗਨ, ਡਾ. ਮਨਜੀਤ ਸਿੰਘ ਬੱਲ, ਨਰਿੰਦਰ ਜੀਤ ਸਿੰਘ ਸੋਮਾ, ਕਵਲਦੀਪ ਸਿੰਘ ‘ਕੰਵਲ’, ਅਲਕਾ ਅਰੋੜਾ, ਡਾ. ਸੱਧਰ ਅਤੇ ਡਾ. ਆਸ਼ਟ ਨੇ ਆਪੋ ਆਪਣੀਆਂ ਮਿੰਨੀ ਕਹਾਣੀਆਂ, ਕਵਿਤਾਵਾਂ, ਗਜ਼ਲਾਂ, ਗੀਤ ਅਤੇ ਬਾਲ ਕਵਿਤਾ ਸੁਣਾ ਕੇ ਤਾੜੀਆਂ ਦੀ ਗੂੰਜ ਨਾਲ ਵਾਹ ਵਾਹ ਖਟੀ।

ਡਾ. ਹਰਜੀਤ ਸਿੰਘ ਸੱਧਰ ਨੇ ਪ੍ਰਧਾਨਗੀ ਭਾਸ਼ਣ ਵਿੱਚ ਸਮਾਗਮ ਵਿੱਚ ਹੋਈ ਸੰਪੂਰਨ ਗੋਸ਼ਟੀ, ਰੈਹਲ ਦੀ ਕਹਾਣੀ ਅਤੇ ਸਾਰੇ ਸਾਹਿਤਕਾਰ ਸੱਜਣਾਂ ਵੱਲੋਂ ਪੇਸ਼ ਕੀਤੀਆਂ ਗਈਆਂ ਰਚਨਾਵਾਂ ਦੀ ਦਾਦ ਦਿੱਤੀ ਅਤੇ ਸਮਾਗਮ ਨੂੰ ਗੁਣਾਤਮਕ ਪੱਧਰ ਤੋਂ ਇੱਕ ਸਫ਼ਲ ਸੈਮੀਨਾਰ ਦਸਿਆ। ਪ੍ਰਿੰ: ਪ੍ਰੇਮ ਨੇ ਸਭਨਾਂ ਦਾ ਸਮਾਗਮ ਨੂੰ ਸਫ਼ਲ ਬਣਾਉਣ ਲਈ ਧੰਨਵਾਦ ਕੀਤਾ। ਮੰਚ ਦਾ ਸੰਚਾਲਨ ਡਾ. ਦਰਸ਼ਨ ਸਿੰਘ ਆਸ਼ਟ ਨੇ ਬਾਖੂਬੀ ਨਿਭਾਇਆ।

ਪੰਜਾਬੀ ਸਾਹਿਤ ਸਭਾ (ਰਜਿ:) ਪਟਿਆਲਾ ਦਾ ਸੰਖੇਪ ਇਤਿਹਾਸ

ਪੰਜਾਬੀ ਸਾਹਿਤ ਸਭਾ (ਰਜਿ), ਪਟਿਆਲਾ 1949 ਵਿੱਚ ਹੋਂਦ ਵਿੱਚ ਆਈ ਸੀ। ਪਟਿਆਲਾ ਸ਼ਹਿਰ ਨੂੰ ਸਾਹਿਤਕ ਸਰਗਰਮੀਆਂ ਦਾ ਮੁੱਖ ਬਣਾਉਣ ਵਿੱਚ ਇਸ ਦਾ ਵਿਸ਼ੇਸ਼ ਹੱਥ ਰਿਹਾ ਹੈ। ਪੰਜਾਬੀ ਭਾਸ਼ਾ, ਸਾਹਿਤ ਅਤੇ ਸਭਿਆਚਾਰ ਨੂੰ ਵੱਧ ਤੋਂ ਵੱਧ ਪ੍ਰਫੁੱਲਤ ਕਰਨ ਦੇ ਮੁੱਖ ਮੰਤਵ ਨਾਲ ਪਟਿਆਲੇ ਕੇ ਕੁਝ ਸਾਹਿਤਕਾਰਾਂ ਅਤੇ ਸਾਹਿਤ ਪ੍ਰੇਮੀਆਂ ਦੇ ਯਤਨਾਂ ਸਦਕਾ ਪੰਜਾਬੀ ਸਾਹਿਤ ਸਭਾ ਦੇ ਨਾਂ ਹੇਠ 1951-52 ਵਿੱਚ ਜਸਵੰਤ ਸਿੰਘ ਵੰਤਾ ਜੀ ਦੀ ਦੁਕਾਨ ਅਤੇ ਬਾਰਾਂਦਰੀ ਬਾਗ ਵਿਖੇ ਸਾਹਿਤਕ ਇੱਕਤਰਤਾਵਾ ਹੋਣ ਲੱਗੀਆਂ, ਜਿਸ ਵਿੱਚ ਪੰਜਾਬੀ ਲੇਖਕਾਂ ਤੋ ਇਲਾਵਾ ਹਿੰਦੀ ਅਤੇ ਉਰਦੂ ਦੇ ਸਾਹਿਤਕਾਰ ਵੀ ਸ਼ਮੂਲੀਅਤ ਕਰਦੇ ਸਨ। 1959 ਈ. ਵਿੱਚ ਕੁਝ ਉੱਦਮੀ ਪੰਜਾਬੀ ਸਾਹਿਤਕਾਰਾਂ ਨੇ ਪੰਜਾਬੀ ਸਾਹਿਤ ਸਭਾ ਅਤੇ ਪਟਿਆਲਾ ਦੇ ਨਾਂ ਹੇਠ ਸੰਸਥਾ ਦਾ ਪੁਨਰਗਠਨ ਕੀਤਾ। ਇਸ ਸੰਸਥਾ ਦਾ ਮੁੱਖ ਉਦੇਸ਼ ਪੰਜਾਬੀ ਭਾਸ਼ਾ, ਸਾਹਿਤ ਅਤੇ ਸਭਿਆਚਾਰ ਦਾ ਵੱਧ ਤੋਂ ਵੱਧ ਵਿਕਾਸ ਕਰਨ ਲਈ ਪੰਜਾਬੀ ਵਿੱਚ ਸਾਹਿਤ ਰੁਚੀ ਵਿੱਚ ਰੱਖਣ ਵਾਲੇ ਪੰਜਾਬੀ ਸਾਹਿਤ ਦੇ ਭਵਿੱਖ ਨਿਰਮਾਤਾ, ਨਵੇਂ ਪੁੰਗਰ ਰਹੇ ਲੇਖਕਾਂ ਨੂੰ ਸਾਹਿਤ ਦੀ ਹਰ ਵਿਧਾ ਬਾਰੇ ਯੋਗ ਤੇ ਸਾਰਥਕ ਸੇਧ ਦੇਣੀ ਤੇ ਪੁਰਾਣੇ ਤੇ ਸਥਾਪਤ ਲੇਖਕਾਂ ਦਾ ਮਾਣ-ਸਨਮਾਨ ਕਰਨਾ ਆਦਿ ਸੀ। 1949 ਤੋਂ ਲੈ ਕੇ ਦਸੰਬਰ 2006 ਤੱਕ ਪਿਛਲੇ ਲਗਭਗ 57 ਸਾਲਾਂ ਤੋˆ ਸਭਾ ਆਪਣੇ ਮਿੱਥੇ ਉਦੇਸ਼ਾਂ ਤੇ ਚਲ ਰਹੀ ਹੈ ਅਤੇ ਕਾਮਯਾਬ ਵੀ ਰਹੀ ਹੈ। ਸਭਾ ਦੇ ਪੰਜਾਬੀ ਸਾਹਿਤ ਪ੍ਰਤੀ ਸਾਰਥਕ ਯੋਗਦਾਨ ਕਾਰਨ ਪੰਜਾਬ ਸਰਕਾਰ ਵੱਲੋˆ 1979 ਵਿੱਚ ਸਭਾ ਨੂੰ ਰਜਿਸਟਰਡ ਕਰਕੇ ਸਰਕਾਰੀ ਮਾਨਤਾ ਦਿੱਤੀ ਗਈ। ਪੰਜਾਬੀ ਦੇ ਕਈ ਸਿਰਕੱਢ ਲੇਖਕਾਂ ਦੀ ਛਤਰ-ਛਾਇਆ ਹੇਠ ਇਹ ਸਭਾ ਵਧੀ ਫੁੱਲੀ ਅਤੇ ਆਪਣੇ ਉਦੇਸ਼ਾਂ ਵਿੱਚ ਕਾਮਯਾਬ ਹੁੰਦੀ ਰਹੀ। 1959 ਵਿੱਚ ਸਭਾ ਦੇ ਪਹਿਲੇ ਪ੍ਰਧਾਨ ਡਾ. ਗੁਰਚਰਨ ਸਿੰਘ ਅਤੇ ਜਨਰਲ ਸਕੱਤਰ ਜਗਦੀਸ਼ ਅਰਮਾਨੀ ਸਨ। ਰਣਜੀਤ ਕੰਵਰ (ਲੰਡਨ) ਸਕੱਤਰ, ਦਰਸ਼ਨ ਸਿੰਘ ਅਵਾਰਾ ਅਤੇ ਪ੍ਰੋ ਸ਼ੇਰ ਸਿੰਘ ਗੁਪਤਾ ਉਪ ਪ੍ਰਧਾਨ ਬਣੇ। ਗੁਰਚਰਨ ਰਾਮਪੁਰੀ, ਕ੍ਰਿਸ਼ਨ ਅਸ਼ਾਂਤ, ਨਵਤੇਜ ਭਾਰਤੀ, ਕੰਵਰ ਚੋਹਾਨ (ਨਾਭਾ) ਆਦਿ ਵੀ ਕਾਰਜਕਾਰਨੀ ਵਿੱਚ ਸ਼ਾਮਲ ਸਨ। ਹੌਲੀ-ਹੌਲੀ ਇਸ ਸਭਾ ਦੀਆਂ ਮੁੱਢਲੀਆਂ ਇਕੱਤਰਤਾਵਾਂ ਵਿੱਚ ਡਾ. ਅੱਤਰ ਸਿੰਘ, ਡਾ. ਸੁਰਜੀਤ ਸਿੰਘ ਸੇਠੀ, ਡਾ. ਜਸਬੀਰ ਸਿੰਘ ਆਹਲੂਵਾਲੀਆ, ਪ੍ਰੋ. ਗੁਲਵੰਤ ਸਿੰਘ, ਡਾ. ਕੁਲਬੀਰ ਸਿੰਘ ਕੰਗ, ਡਾ. ਟੀ.ਆਰ. ਵਿਨੋਦ, ਡਾ. ਧਰਮਪਾਲ ਸਿੰਗਲਾ, ਡਾ. ਤਰਲੋਕ ਸਿੰਘ ਆਨੰਦ, ਕਿਸ਼ਨ ਮਦਹੋਸ਼, ਸੂਬਾ ਸਿੰਘ, ਡਾ. ਗੁਰਬਚਨ ਸਿੰਘ ਰਾਹੀ, ਡਾ. ਗੋਬਿੰਦ ਸਿੰਘ ਲਾਂਬਾ, ਪ੍ਰੋ. ਸ. ਸੋਜ਼, ਰਮੇਸ਼ ਚੌˆਦਵੀ, ਸ਼ਮਸ਼ੇਰ ਸਿੰਘ ਸਰੋਜ ਆਦਿ ਲੇਖਕ ਤੇ ਵਿਦਵਾਨ ਸ਼ਾਮਲ ਹੋਣ ਲੱਗੇ। ਇਸ ਦੇ ਪਲੇਠੇ ਪ੍ਰਧਾਨ ਡਾ. ਗੁਰਚਰਨ ਸਿੰਘ ਤੋਂ ਲੈ ਕੇ ਹੁਣ ਤੱਕ ਡਾ. ਅੱਤਰ ਸਿੰਘ, ਡਾ. ਜਸਬੀਰ ਸਿੰਘ ਆਹਲੂਵਾਲੀਆ, ਪ੍ਰਿੰ. ਸੰਤ ਸਿੰਘ ਸੇਖੋਂ, ਸ੍ਰੀ ਗੁਰਮੇਲ ਸਿੰਘ ਦਰਦੀ, ਡਾ. ਸੁਰਜੀਤ ਸਿੰਘ ਸੇਠੀ, ਸ੍ਰ. ਸੂਬਾ ਸਿੰਘ, ਸ੍ਰੀ ਓ.ਪੀ. ਆਨੰਦ, ਪ੍ਰੋ ਕੁਲਵੰਤ ਸਿੰਘ ਗਰੇਵਾਲ, ਡਾ. ਗੁਰਬਰਨ ਸਿੰਘ ਰਾਹੀ, ਹਰਚਰਨ ਸਿਘ ਕੈਂਬਲਪੁਰੀ ਅਤੇ ਜਗਦੀਸ਼ ਅਰਮਾਨੀ ਆਦਿ ਸਮੇਂ-ਸਮੇਂ ਸਭਾ ਦੇ ਪ੍ਰਧਾਨ ਰਹੇ ਅਤੇ ਸਭਾ ਦੀ ਯੋਗ ਅਗਵਾਈ ਕਰਦੇ ਰਹੇ। ਸਭਾ ਦੇ ਵਰਤਮਾਨ ਪ੍ਰਧਾਨ ਪ੍ਰਿੰ. ਮੋਹਨ ਸਿੰਘ ਪ੍ਰੇਮ ਜੁਲਾਈ 1999 ਤੋˆ ਸਭਾ ਦੀਆਂ ਗਤੀਵਿੱਧੀਆ ਨਿਰੰਤਰ ਉਸਾਰੂ ਢੰਗ ਨਾਲ ਚਲਾਉਂਦੇ ਆ ਰਹੇ ਹਨ। ਇਨ੍ਹਾਂ ਦੀ ਸੁਚੱਜੀ ਅਗਵਾਈ ਹੇਠ ਸਭਾ ਆਪਣੇ ਸਾਹਿਤ ਕਾਰਜ ਤਨਦੇਹੀ ਨਾਲ ਨਿਭਾ ਰਹੀ ਹੈ। ਸਭਾ ਹੁਣ ਤੱਕ ਪੰਜਾਬ ਦੇ ਲਗਭਗ ਨਾਮਵਰ ਲਖੇਕਾਂ ਦਾ ਸਨਮਾਨ ਅਤੇ 150 ਤੋਂ ਉੱਪਰ ਪੁਸਤਕਾਂ ਰੀਲੀਜ਼ ਕਰ ਚੁੱਕੀ ਹੈ। ਪਟਿਆਲੇ ਵਿਖੇ ਪੰਜਾਬੀ ਯੂਨੀਵਰਸਿਟੀ ਦੀ ਸਥਾਪਨਾ ਕਰਾਉਣ, 1967 ਦਾ ਪੰਜਾਬੀ ਭਾਸ਼ਾ ਐਕਟ ਪਾਸ ਕਰਵਾਉਣ, ਭਾਸ਼ਾ ਵਿਭਾਗ ਪੰਜਾਬ ਦਾ ਡਾਇਰੈਕਟਰ ਆਈ.ਏ.ਐਸ.ਅਫਸਰ ਦੀ ਜਗ੍ਹਾਂ ਵਿਭਾਗ ਦੇ ਕਿਸੇ ਸੀਨੀਅਰ ਅਧਿਕਾਰੀ ਨੁੰ ਨਿਯੁਕਤ ਕਰਨ ਆਦਿ ਵੱਖ-ਵੱਖ ਕਾਰਜ ਸਭਾ ਵੱਲੋˆ ਮਤੇ ਪਾਸ ਕਰ ਅਤੇ ਕਰਵਾ ਕੇ ਵਫਦ ਰਾਹੀਂ ਮਿਲ ਕੇ, ਪ੍ਰੈਸ ਰਾਹੀ ਜ਼ੋਰ ਪਵਾ ਕੇ ਕਰਵਾਏ ਜਾਂਦੇ ਰਹੇ ਤੇ ਆਪਣੇ ਮੰਤਵਾਂ ਵਿੱਚ ਕਾਮਯਾਬ ਵੀ ਹੁੰਦੀ ਰਹੀ ਹੈ। ਸਭਾ ਵੱਲੋˆ ਹਰ ਦੋ ਸਾਲ ਬਾਅਦ ਲੋਕਤੰਤਰੀ ਢੰਗ ਨਾਲ ਚੋਣ ਕਰਵਾਈ ਜਾਂਦੀ ਹੈ ਤੇ ਸਾਹਿਤਕ ਗਤੀਵਿਧੀਆਂ ਨੂੰ ਤਨ-ਮਨ ਤੇ ਧਨ ਨਾਲ ਚਲਾਉਣ ਦੇ ਇੱਛੁਕ ਸਾਹਿਤਕਾਰਾਂ ਨੂੰ ਸਭਾ ਦੀ ਚੋਣ ਵਿੱਚ ਹਿੱਸਾ ਪਾਉਣ ਲਈ ਖੁੱਲ੍ਹਾ ਸੱਦਾ ਦਿੱਤਾ ਜਾਂਦਾ ਹੈ। ਜੁਲਾਈ 1999 ਵਿੱਚ ਸ਼੍ਰੀ ਜਗਦੀਸ਼ ਅਰਮਾਨੀ ਜੋ ਸਭਾ ਦੇ ਉਸ ਸਮੇਂ ਪ੍ਰਧਾਨ ਸਨ, ਦੇ ਅਚਾਨਕ ਅਕਾਲ ਚਲਾਣੇ ਕਾਰਨ ਸਰਬਸੰਮਤੀ ਨਾਲ ਪ੍ਰਿੰ. ਮੋਹਨ ਸਿੰਘ ਪ੍ਰੇਮ ਹੋਰਾਂ ਨੂੰ ਪ੍ਰਧਾਨ ਚੁਣਿਆ ਗਿਆ। ਜ਼ਿਕਰਯੋਗ ਹੈ ਕਿ ਸ਼੍ਰੀ ਜਗਦੀਸ਼ ਅਰਮਾਨੀ ਜੋ ਸਭਾ ਦੇ ਪਲੇਠੇ ਜਨਰਲ ਸਕੱਤਰ ਵੀ ਸਨ, ਆਪਣੀ ਜ਼ਿੰਦਗੀ ਸਾਹਿਤ ਸਭਾ ਦੇ ਵਿਕਾਸ ਵਿੱਚ ਤਨਦੇਹੀ ਨਾਲ ਹਿੱਸਾ ਪਾਇਆ ਤੇ ਅੰਤਲੇ ਸਮੇਂ ਤੱਕ ਸਭਾ ਨਾਲ ਜੁੜੇ ਰਹੇ। ਉਨ੍ਹਾਂ ਦੀ ਮੌਤ ਉਪਰੰਤ ਸਭਾ ਦੇ ਪ੍ਰਿੰ. ਮੋਹਨ ਸਿੰਘ ਪ੍ਰੇਮ ਜੀ ਨੇ ਅਰਮਾਨੀ ਜੀ ਦੇ ਉਸਾਰੂ ਸਾਹਿਤਕ ਕਾਰਜਾਂ ਨੂੰ ਅੱਗੇ ਤੋਰਿਆ ਅਤੇ ਸਰਬਸੰਮਤੀ ਨਾਲ ਲਗਾਤਾਰ ਸਭਾ ਦੀਆਂ ਹੋਈਆਂ ਚਾਰ ਚੋਣਾਂ ਵਿੱਚ ਪ੍ਰਧਾਨ ਚੁਣੇ ਗਏ। ਪਹਿਲੇ ਦੋ ਸਾਲ ਸਭਾ ਦੇ ਪੁਰਾਣੇ ਸ਼੍ਰੀ ਅਵੱਲ ਸਰਹੱਦੀ ਜਨਰਲ ਸਕੱਤਰ ਤੇ ਇੰਜ: ਚਰਨਜੀਤ ਸਿੰਘ ਚੱਢਾ ਵਿੱਤ ਸਕੱਤਰ ਸਨ ਅਤੇ 2001 ਤੋਂ ਸ਼੍ਰੀ ਹਰਸ਼ਰਨ ਸ਼ਰੀਫ ਨੇ ਚਾਰ ਸਾਲ ਜਨਰਲ ਸਕੱਤਰ ਦੀ ਸੇਵਾ ਪੂਰਨ ਸਫਲਤਾ ਨਾਲ ਨਿਭਾਈ। ਇਸ ਵੇਲੇ ਪ੍ਰੋ. ਕਿਰਪਾਲ ਸਿੰਘ ਕਸੇਲ ਦੀ ਸਰਪ੍ਰਸਤੀ ਪ੍ਰਾਪਤ ਹੈ ਪ੍ਰੋ. ਸ. ਸੋਜ਼, ਡਾ. ਗੁਰਬਚਨ ਸਿੰਘ ਰਾਹੀ, ਡਾ. ਹਰਜਿੰਦਰਪਾਲ ਸਿੰਘ ਵਾਲੀਆ, ਡਾ. ਹਰਜੀਤ ਸਿੰਘ ਸੱਧਰ ਅਤੇ ਸ਼੍ਰੀ .ਨਵੀਲ ਕਮਲ, ਡਾ. ਸਿੰਘ ਆਨੰਦ, ਡਾ. ਕੁਲਦੀਪ ਸਿੰਘ ਧੀਰ ਦਾ ਸਲਾਹਕਾਰ ਬੋਰਡ ਦੀ ਸੁਚੱਜੀ ਅਗਵਾਈ ਕਰ ਰਿਹਾ ਹੈ। ਪ੍ਰਿੰ. ਮੋਹਨ ਸਿੰਘ ਪ੍ਰੇਮ ਜੀ ਹੋਰਾਂ ਦੇ ਜੁਲਾਈ 1999 ਤੋˆ ਹੁਣ ਤੱਕ ਦੀ ਕਾਰਜਕਾਲ ਦੌਰਾਨ ਸਭਾ ਲਗਭਗ 75 ਦੇ ਕਰੀਬ ਛੋਟੇ-ਵੱਡੇ ਸਾਹਿਤਕ ਸਮਾਗਮ ਆਯੋਜਿਤ ਕਰ ਚੁੱਕੀ ਹੈ। ਮਾਸਿਕ ਸਾਹਿਤਕ ਇੱਕਤਰਤਾਵਾਂ ਤੋ ਇਲਾਵਾ ਨਿੱਜੀ ਤੌਰ ਤੇ ਭਾਸ਼ਾ ਵਿਭਾਗ ਪੰਜਾਬ, ਨਾਰਥ ਜ਼ੋਨ ਕਲਚਰਲ ਸੈਂਟਰ, ਸਾਵਣ ਕਵੀ ਦਰਬਾਰ,ਬਸੰਤ ਕਵੀ ਦਰਬਾਰ, ਕਹਾਣੀ ਦਰਬਾਰ ਮਿੰਨੀ ਕਹਾਣੀ ਸਮਾਗਮ, ਪੁਸਤਕ ਰੀਲੀਜ਼ ਅਤੇ ਗੋਸ਼ਟੀਆਂ, ਰੂਬਰੂ ਸਮਾਗਮ ਅਤੇ ਯਾਦਗਾਰੀ ਸਮਾਗਮ ਆਦਿ ਕਰਵਾਏ ਗਏ ਹਨ। ਸਭਾ ਦੇ ਪ੍ਰਤੀਬੱਧ ਅਹੁੱਦੇਦਾਰ ਤੇ ਲੇਖਕ ਸਰਵ ਸ਼੍ਰੀ ਜਗਦੀਸ਼ ਅਰਮਾਨੀ, ਰਮੇਸ਼ ਚੌਂਦਵੀ, ਇੰਜ. ਚਰਨਜੀਤ ਸਿੰਘ ਚੱਢਾ, ਡਾ. ਈਸ਼ਰ ਸਿੰਘ ਤਾਂਘ ਤੇ ਅਚਾਨਕ ਅਕਾਲ ਚਲਾਣਾਂ ਕਰਕੇ ਉਨ੍ਹਾਂ ਦੀ ਯਾਦ ਵਿੱਚ ਸ਼ਰਧਾਂਜਲੀ ਸਮਾਗਮ ਆਯੋਜਿਤ ਕੀਤੇ ਗਏ। ਉਪਰੋਕਤ ਲੇਖਕਾਂ ਦੀਆਂ ਪਤਨੀਆਂ ਨੂੰ ਇਨ੍ਹਾਂ ਸਖਸ਼ੀਅਤਾਂ ਦੇ ਯੋਗਦਾਨ ਕਾਰਨ ਸਨਮਾਨਤ ਕੀਤਾ ਗਿਆ। ਡਾ. ਗੁਰਚਰਨ ਸਿੰਘ ਔਲਖ,ਚੰਦਨ ਨੇਗੀ, ਬਚਿੰਤ ਕੌਰ, ਜਸਵੰਤ ਸਿੰਘ ਵਿਰਦੀ, ਡਾ. ਅਮਰਜੀਤ ਕੌਰ, ਪ੍ਰੀਤ ਮਹਿੰਦਰ ਸੇਖੋਂ, ਡਾ. ਸ਼ਿਆਮ ਸੁੰਦਰ ਦੀਪਤੀ, ਕਰਮਵੀਰ ਸਿੰਘ,ਡਾ. ਗੁਰਦੇਵ ਸਿੰਘ ਚੰਦੀ, ਪੱਤਰਕਾਰ ਅਵਤਾਰ ਸਿੰਘ ਗੈਰਤ, ਪੱਤਰਕਾਰ ਜਸਵਿੰਦਰ ਸਿੰਘ ਦਾਖਾ ਪੱਤਰਕਾਰ ਰਾਜੂ ਤਿੱਮਰਹਰਨ, ਰਾਜਿੰਦਰ ਕੌਰ ਵੰਤਾ, ਪ੍ਰਵਾਸੀ ਕਵੀ ਸਰਵਨ ਸਿੰਘ ਖਹਿਰਾ (ਸਿੰਗਾਪੁਰ), ਕ੍ਰਿਪਾਲ ਕਜ਼ਾਕ, ਪ੍ਰੋ. ਸ. ਸੋਜ਼, ਪ੍ਰੇਮ ਗੋਰਖੀ, ਡਾ. ਕਰਤਾਰ ਸਿੰਘ ਸੂਰੀ, ਪ੍ਰੋ. ਕ੍ਰਿਪਾਲ ਸਿੰਘ ਕਸੇਲ, ਡਾ. ਮਦਨ ਲਾਲ ਹਸੀਜਾ, ਮੋਹਨ ਸਿੰਘ ਤੀਰ, ਸਟੇਜੀ ਕਵੀ ਕੁਲਵੰਤ ਸਿੰਘ ਆਨੰਦ, ਪ੍ਰੀਤਮ ਸਿੰਘ ਪੰਛੀ, ਰਣਧੀਰ ਸਿੰਘ ਨਿਉਯਾਰਕ ਆਦਿ ਲੇਖਕਾਂ/ਸ਼ਖਸੀਅਤਾਂ ਦੇ ਸਨਮਾਨ ਲਈ ਨੂੰ ਸਨਮਾਨ ਸਮਾਰੋਹ ਅਤੇ ਰੂਬਰੂ ਸਮਾਗਮ ਆਯੋਜਿਤ ਕੀਤੇ ਗਏ। ਕਈ ਪੁਰਾਣੇ/ਨਵੇਂ ਲੇਖਕਾਂ ਦੀਆਂ ਪੁਸਤਕਾਂ ਰੀਲੀਜ਼ ਕੀਤੀਆਂ ਗਈਆਂ ਅਤੇ ਕਈਆਂ ਤੇ ਗੋਸ਼ਟੀ ਕਰਵਾਈਆ ਗਈਆਂ ਜਿਨ੍ਹਾਂ ਵਿੱਚ ਸ਼੍ਰੀ ਜਗਦੀਸ਼ ਅਰਮਾਨੀ ਦੀ ਮੌਤ ਉਪਰੰਤ ਛਪਿਆ ਕਹਾਣੀ ਸੰਗ੍ਰਹਿ‘‘ਰੁਪਏ ਦਾ ਕੱਦ’’ ਹਰਪ੍ਰੀਤ ਸਿੰਘ ਰਾਣਾ ਦਾ ਮਿੰਨੀ ਕਹਾਣੀ ਸੰਗ੍ਰਹਿ‘‘ ਚੌਥਾ ਮਹਾਂ ਯੁੱਧ’’ ਅਤੇ ਸੰਪਾਦਕ ‘‘ ਮਿੰਨੀ ਕਹਾਣੀ ਸੰਗ੍ਰਹਿ’’, ‘‘ਪੰਜਾਬੀ ਦੀਆਂ ਸਰਵੋਤਮ ਮਿੰਨੀ ਕਹਾਣੀਆਂ’’, ਪ੍ਰਿੰ. ਮੋਹਨ ਸਿੰਘ ਪ੍ਰੇਮ ਦਾ ਨਾਵਲਾਂ ‘‘ਦਿਲ ਟੋਟੇ ਟੋਟੇ’’ ਪ੍ਰੀਤਮ ਸਿੰਘ ਜੱਗੀ ਦਾ ਕਾਵਿ ਸੰਗ੍ਰਹਿ ‘‘ਰਤਨ ਤਜੌਰੀ’’ ਅਵੱਲ ਸਰਹਦੀ ਦਾ ਮਿੰਨੀ ਕਹਾਣੀ ਸੰਗ੍ਰਹਿ ‘ਖਬਰਨਾਮਾ’, ਡਾ. ਗੁਰਬਚਨ ਸਿੰਘ ਰਾਹੀ ਦਾ ਕਾਵਿ ਸੰਗ੍ਰਹਿ‘‘ਕੁਝ ਗੱਲਾਂ’’, ਰਾਜਿੰਦਰ ਕੌਰ ਵੰਤਾ ਦਾ ਮਿੰਨੀ ਕਹਾਣੀ ‘ਮਸੀਹ ਲਟਕਦਾ ਰਿਹਾ’, ਚੰਦਨ ਨੇਗੀ ਦਾ ਨਾਵਲ ‘ਕਨਿਕ ਕਾਮਿਨੀ’, ਦਰਸ਼ਨ ਸਿੰਘ ਆਸ਼ਟ ਦਾ ਬਾਲ ਨਾਵਲ ‘ਚੁਨਮੁਨ ਦੀ ਵਾਪਸੀ’, ਸੁਖਦੇਵ ਸਿੰਘ ਸ਼ਾਂਤ ਦੀ ਭਾਸ਼ਾ ਵਿਭਾਗ ਵੱਲੋˆ ਪੁਰਸਕਾਰਿਤ ਬਾਲ ਕਹਾਣੀ ਸੰਗ੍ਰਹਿ ‘ਪਿੰਕੀ ਦੀ ਪੈਨਸਿਲ’, ਪੂਨਮ ਗੁਪਤ ਦਾ ਹਿੰਦੀ ਕਾਵਿ ਸੰਗ੍ਰਹਿ ‘ਕਲ੍ਹ ਭੀ ਥਾਂ ਔਰ ਆਜ ਭੀ ਹੈ’, ਪ੍ਰਵਾਸੀ ਲੇਖਕ ਪ੍ਰਕਾਸ਼ ਸਿੰਘ ਆਜ਼ਾਦ ਦਾ ਗੁਰਮੁਖੀ/ਸ਼ਾਹ ਲਿਪੀ ਦਾ ਸਾਂਝਾ ਕਾਵਿ ਸੰਗ੍ਰਹਿ ‘ਪਿਘਲਦਾ ਲਾਵਾ, ਸੁਰਜੀਤ ਸਿੰਘ ਸੇਖੋˆ ਕਾਵਿ ਸੰਗ੍ਰਹਿ ‘ ਕੀ ਰੱਖਾਂ ਨਾਮ ਅਨਾਮਿ’, ਡਾ. ਕਰਤਾਰ ਸਿੰਘ ਸੂਰੀ ਦੀ ਸਵੈ-ਜੀਵਨੀ ‘‘ਅਮਿੱਟ ਯਾਦਾਂ’’ ਪ੍ਰੋ. ਕ੍ਰਿਪਾਲ ਸਿੰਘ ਕਸੇਲ ਦੀ ਸਵੈ-ਜੀਵਨੀ ‘ਪੌਣੀ ਸਦੀ ਦਾ ਸਫਰ’, ਗੁਰੂ ਗ੍ਰੰਥ ਸਾਹਿਬ ਦੇ 400 ਸਾਲਾਂ ਪ੍ਰਕਾਸ਼ ਉਤਸਵ ਤੇ ਡਾ. ਅਵਤਾਰ ਸਿੰਘ ਦੀ ਪੁਸਤਕ ‘ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ-ਸਮਾਜ ਪੱਖੀ ਵਿਸ਼ਲੇਸ਼ਣ’, ਡਾ. ਕੁਲਵੰਤ ਕੌਰ ਦੀ ਸੰਪਾਦਿਤ ਪੁਸਤਕ ‘ਗੁਰੂ ਅੰਗਦੁ - ਗੁਰੁ ਅੰਗੁ ਤੇ’ ਇਸ ਤੋਂ ਬਿਨ੍ਹਾਂ ਡਾ. ਹਰਨਾਮ ਸਿੰਘ ਸ਼ਾਨ ਦੀ ਬਾਲ ਪੁਸਤਕ ‘ਗਿਆਨ ਮੋਤੀ’ ਰੀਲੀਜ਼ ‘ਗਗਨ ਮੈ ਥਾਲੁ’ ਰਘਬੀਰ ਸਿੰਘ ਮਹਿਮੀ ਦੀ ਮਿੰਨੀ ਕਹਾਣੀਆਂ ਦੀ ਪੁਸਤਕ ਉੱਪਰ ਗੋਸ਼ਟੀ ਕਰਵਾਈ ਗਈ ਜਿਨ੍ਹਾਂ ਵਿੱਚ ਪੰਜਾਬੀ ਦੇ ਉੱਚ ਕੋਟੀ ਦੇ ਵਿਦਵਾਨਾਂ ਨੇ ਭਰਾਵਾਂ ਹੁੰਗਾਰਾ ਭਰਿਆ।
‘‘ਅੱਠਵੇਂ ਸਰਵ ਭਾਰਤੀ ਪਹੁ ਫੁੱਟੀ ਕਹਾਣੀ ਮੁਕਾਬਲੇ’’ ਦਾ ਭਾਸ਼ਾ ਵਿਭਾਗ ਵਿੱਚ ਸਟੇਟ ਬੈਕ ਆਫ਼ ਪਟਿਆਲਾ, ਪ੍ਰਵਾਸੀ ਰੂਪ ਸਿੰਘ ਰੂਪਾ ਅਤੇ ਨਿਊਯਾਰਕ ਤੋਂ ਪਰਤੇ ਡਾ. ਪ੍ਰੀਤਮ ਸਿੰਘ, ਸਵ: ਗਿਆਨੀ ਲਾਲ ਸਿੰਘ ਦੀ ਧਰਮਪਤਨੀ - ਮੁੱਖ ਮਹਿਮਾਨ ਸਰਦਾਰਨੀ ਸਤਵੰਤ ਕੌਰ ਨੇ ਯੋਗਦਾਨ ਪਾਇਆ ਤੇ ਵੱਡੇ ਪੱਧਰ ਤੇ ਸਮਾਰੋਹ ਆਯੋਜਿਤ ਕੀਤਾ ਗਿਆ। ਪ੍ਰਵਾਸੀ ਕੈਪਟਨ ਗੁਰਦਿਆਲ ਸਿੰਘ ਦੇ ਘਰ ‘‘ਰੀਝਾਂ ਦੇ ਹਾਰ’’ ਪੁਸਤਕ ਦਾ ਰੀਲੀਜ਼ ਸਮਾਰੋਹ ਪ੍ਰੈਸ ਪਰਸਨ ਸ. ਗੁਰਨਾਮ ਸਿੰਘ ‘‘ਆਸ਼ਿਆਨਾ’’ ਦਾ ਸਨਮਾਨ, ਡਾ. ਐਸ ਤਰਸੇਮ ਦਾ ਭਾਸ਼ਾ ਵਿਭਾਗ ਵਿੱਚ ‘‘ਗਜ਼ਲ ਬਨਾਮ ਨਜ਼ਮ’’ ਤੇ ਤ੍ਰੈ ਭਾਸ਼ੀ ਕਵੀ ਦਰਬਾਰ ਕਰਵਾਇਆ ਗਿਆ। ਨਿਰਪਾਲਜੀਤ ਜੋਸ਼ਨ ਕੌਰ ਦੇ ਕਾਵਿ ਸੰਗ੍ਰਹਿ ‘‘ਟਿਮਟਿਮਾਉਂਦਾ ਅਕਸ’’ ਦਾ ਰੀਲੀਜ਼ ਸਮਾਰੋਹ ਫਾਈਓਵਰ ਕਲਾਸਿਕ ਹੋਟਲ ਵਿੱਚ ਆਯੋਜਿਤ ਕੀਤਾ ਗਿਆ ਅਤੇ ‘‘ਅਲਹੁ ਵਰਸਉ ਮੇਂਹੁ’’ ਪੈਂਦੇ ਮੀਂਹ ਵਿੱਚ ਸਾਹਿਤਕ ਇਕੱਤਰਤਾ ਕਰਕੇ, ਸਾਵਣ ਦਰਬਾਰ, ਕਵੀ ਦਰਬਾਰ ਕਰਵਾਇਆ ਗਿਆ। ਡਾ. ਰਾਜਵੰਤ ਕੌਰ ਪੰਜਾਬੀ ਦੀ ਪੁਸਤਕ ‘‘ਵਿਆਹ ਦੇ ਲੋਕ ਗੀਤ’’ ਦਾ ਰੀਲੀਜ਼ ਸਮਾਰੋਹ ਆਯੋਜਿਤ ਕੀਤਾ ਗਿਆ। ਪ੍ਰਿੰ. ਮੋਹਨ ਸਿੰਘ ਪ੍ਰੇਮ ਨੂੰ (6 ਨਵੰਬਰ 2005) ਸ਼ਹੀਦ ਮੈਮੋਰੀਅਲ ਸੇਵਾ ਸੁਸਾਇਟੀ ਅਤੇ ਡਾ. ਸਾਧੂ ਸਿੰਘ ਹਮਦਰਦ ਮੈਮੋਰੀਅਲ ਐਜੂਕੇਸ਼ਨਲ ਐਂਡ ਸਰਵਿਸ ਸੁਸਾਇਟੀ ਵੱਲੋਂ ਆਪਣੇ 39ਵੇਂ ਸਮਿੱਸ ਐਵਾਰਡ ਮੌਕੇ ‘‘ਪੰਜਾਬ ਰਤਨ ਐਵਾਰਡ’’ ਨਾਲ ਸਨਮਾਨਿਤ ਕੀਤਾ ਜਿਸ ਦੀ ਪੰਜਾਬੀ ਸਾਹਿਤ ਸਭਾ ਵੱਲੋਂ ਬਹੁਤ ਖੁਸ਼ੀ ਮਨਾਈ ਗਈ। 8 ਜਨਵਰੀ 2006 ਨੂੰ ਵਰਤਮਾਨ ਚੋਣ ਦੇ ਫਲਸਰੂਪ ਪ੍ਰਿੰ. ਮੋਹਨ ਸਿੰਘ ਪ੍ਰੇਮ 2008 ਤੱਕ ਪੰਜਾਬੀ ਸਾਹਿਤ ਸਭਾ ਪਟਿਆਲਾ ਦੇ ਚੌਥੀ ਵਾਰ ਪ੍ਰਧਾਨ ਚੁਣੇ ਗਏ ਅਤੇ ਡਾ. ਦਰਸ਼ਨ ਸਿੰਘ ਆਸ਼ਟ ਜਨਰਲ ਸਕੱਤਰ, ਤੇ ਸ਼੍ਰੀ ਬਾਬੂ ਸਿੰਘ ਰੈਹਲ ਵਿੱਤ ਸਕੱਤਰ ਚੁਣੇ ਗਏ,ਅਤੇ ਸੀਨੀਅਰ ਮੀਤ ਪ੍ਰਧਾਨ ਸ਼੍ਰੀ ਹਰਸ਼ਰਨ ਸ਼ਰੀਫ਼, ਉਪ ਪ੍ਰਧਾਨ ਸ਼੍ਰੀ ਦਵਿੰਦਰ ਸਿੰਘ ਰਾਜ਼, ਮਨਜੀਤ ਪੱਟੀ, ਨਿਰਮਲਜੀਤ ਕੌਰ ਜੋਸਨ, ਇੰਜ: ਪਰਵਿੰਦਰ ਸ਼ੌਖ, ਸੁਖਵਿੰਦਰ ਕੌਰ ਆਹੀ, ਸਕੱਤਰ: ਪ੍ਰੋ. ਅਰਵਿੰਦਰ ਕੌਰ,ਗੁਰਚਰਨ ਸਿੰਘ ਚੋਹਾਨ, ਪ੍ਰੈਸ ਸਕੱਤਰ ਦਵਿੰਦਰ ਪਟਿਆਲਵੀ, ਕੈਪਟਨ ਮਹਿੰਦਰ ਸਿੰਘ ਅਤੇ ਡਾ. ਰਾਜਵੰਤ ਕੌਰ ਪੰਜਾਬੀ, ਗੁਰਚਰਨ ਸਿੰਘ ਪੱਬਰਾਲੀ, ਰਵੇਲ ਸਿੰਘ ਭਿੰਡਰ, ਰਘਬੀਰ ਸਿੰਘ ਮਹਿਮੀ, ਯਸ਼ਪਾਲ ਮਜ਼ਲੂਮ ਸਨੌਰੀ ਤੇ ਤੇਜਿੰਦਰ ਸਿੰਘ ਅਨਜਾਨਾ ਚੁਣੇ ਗਏ। ਹਰ ਸਾਲ ਵਾਗ ਬਸੰਤ ਆਈ ਤਾਂ ਬਸੰਤ ਕਵੀ ਦਰਬਾਰ ਆਯੋਜਿਤ ਕੀਤਾ ਗਿਆ, ਪੰਜਾਬੀ ਯੂਨੀਵਰਸਿਟੀ ਦੇ ਪੱਤਰਕਾਰੀ ਵਿਭਾਗ ਦੇ ਮੁੱਖੀ ਡਾ. ਹਰਜਿੰਦਰ ਪਾਲ ਸਿੰਘ ਵਾਲੀਆ ਦਾ ਰੂ-ਬ-ਰੂ ਕਰਵਾਇਆ ਗਿਆ, ਲਾਹੌਰੋ ਆਏ ਐਵਾਰਡ ‘‘ਦੀਪ’’ ਤੇ ‘‘ਆਸ਼ਟ’’ ਨੂੰ ਪ੍ਰਦਾਨ ਕੀਤੇ ਗਏ। ਗਜ਼ਲਗੋ ਬਲਬੀਰ ਸਿੰਘ ਸੈਣੀ ਦਾ ਰੁ-ਬ-ਰੂ ਕਰਵਾਇਆ ਗਿਆ ਅਤੇ ਭਾਸ਼ਾ ਵਿਭਾਗ ਦੇ ਸਹਿਯੋਗ ਨਾਲ ਸ਼੍ਰੀ ਮੋਹਨ ਰਾਮ ਬੰਗਾ ਡਾਇਰੈਕਟਰ ਭਾਸ਼ਾ ਵਿਭਾਗ ਅਤੇ ਮੁੱਖ ਮਹਿਮਾਨ ਹਰਭਜਨ ਸਿੰਘ ਦਿਓਲ ਵਿਸ਼ੇਸ਼ ਮਹਿਮਾਨ ਪ੍ਰੋ. ਸ.ਸੋਜ਼, ਪ੍ਰਿੰ. ਪ੍ਰੇਮ, ਸ. ਇਕਬਾਲ ਸਿੰਘ ਵੰਤਾ ਅਤੇ ਡਾ. ਆਸ਼ਟ ਦੀ ਪ੍ਰਧਾਨਗੀ ਮੰਡਲ ਵੱਲੋˆ ‘‘ਰਾਜਿੰਦਰ ਕੌਰ ਵੰਤਾ ਯਾਦਗਾਰੀ ਸਾਹਤਿਕ ਪੁਰਸਕਾਰ’’ ਸਤਵੰਤ ਕੈਂਥ ਨੂੰ ਖਚਾ-ਖਚ ਭਰੇ ਹੋਏ ਸੈਮੀਨਾਰ ਹਾਲ ਵਿੱਚ ਪ੍ਰਦਾਨ ਕੀਤਾ ਗਿਆ। ‘‘ਮਿੱਟੀ ਦਾ ਰੰਗ’’ ਨਰਿੰਦਰ ਕੋਰ ਰਚਿਤ ਪੁਸਤਕ ਦਾ ਰੀਲੀਜ ਸਮਾਰੋਹ ਅਤੇ ਪੱਤਰਕਾਰ ਰਣਧੀਰ ਸਿੰਘ ਹੈਰਾਨ ਦਾ ਸਨਮਾਨ ਸ਼੍ਰੀ ਮੋਹਨ ਸ਼ਰਮਾ ਨੇ 6ਵਾਂ ਮਾਨਕੋਰ ਯਾਦਗਾਰੀ ਪੁਰਸਕਾਰ ਪ੍ਰਦਾਨ ਕੀਤਾ ਗਿਆ। ਪ੍ਰਵਾਸੀ ਗਲਪਕਾਰ ਸ਼੍ਰੀ ਬਲਬੀਰ ਸਿੰਘ ਮੋਮੀ ਦਾ ਰੂ-ਬ-ਰੂ ਕਰਵਾਇਆ ਗਿਆ। 03-12-06 ਨੂੰ ਕੈਪਟਨ ਮਹਿੰਦਰ ਸਿੰਘ ਰਚਿਤ ‘‘ਹੱਡ ਬਤੀ-ਜੱਗ ਬੀਤੀ’’ ਉਪਰ ਗੋਸ਼ਟੀ ਤੇ ਮਾਸਿਕ ਸਮਾਰੋਹ ਆਯੋਜਿਤ ਕੀਤਾ ਗਿਆ। ਇਸ ਤੋ ਇਲਾਵਾ ਹਰ ਮਹੀਨੇ ਢੁਡਿਆਲ ਖਾਲਸਾ ਸੀ.ਸੈਕ.ਸਕੂਲ, ਖਾਲਸਾ ਮੁਹੱਲਾ, ਪਟਿਆਲਾ ਵਿਖੇ ਹਫਤੇ ਦੇ ਪਹਿਲੇ ਐਤਵਾਰ ਮਾਸਿਕ ਇਕੱਤਰਤਾ ਨਿਰੰਤਰ ਆਯੋਜਿਤ ਕੀਤੀ ਜਾਂਦੀ ਹੈ। ਜਿਸ ਵੱਚ ਨਵੇˆ-ਪੁਰਾਣੇ ਲੇਖਕ ਵੱਖ-ਵੱਖ ਵਿਧਾਵਾਂ ਵਿੱਚ ਆਪਣੀਆਂ ਸਾਹਤਿਕ ਰਚਨਾਵਾਂ ਸੁਣਾਉਂਦੇ ਹਨ ਤੇ ਹਾਜ਼ਰ ਵਿਦਵਾਨ ਆਲੋਚਕ ਪੜ੍ਹੀਆ ਰਚਨਾਵਾਂ ਤੇ ਸਾਰਥਕ ਵਿਚਾਰ ਵਟਾਂਦਰਾ ਕਰਦੇ ਹਨ। ਇਸ ਤਰ੍ਹਾਂ ਇਹ ਮਾਸਿਕ ਇਕੱਤਰਤਾਵਾਂਵਿੱਚ ਵਰਕਸ਼ਾਪ ਦਾ ਉਸਾਰੂ ਰੋਲ ਨਿਭਾਉਂਦੀਆਂ ਹਨ। ਇਸ ਤਰ੍ਹਾਂ ਪੰਜਾਬੀ ਸਾਹਿਤ ਸਭਾ (ਰਜਿ:) ਪਟਿਆਲਾ ਹੀ ਪਟਿਆਲਾ ਸ਼ਹਿਰ ਦੀ ਇੱਕੋ-ਇੱਕ ਅਜਿਹੀ ਸਾਹਿਤਕ ਸੰਸਥਾ ਹੈ ਜੋ ਆਪਣੇ ਜਨਮ ਤੋਂ ਹੁਣ ਤੱਕ ਨਿਰੰਤਰ ਸਾਹਿਤਕ ਗਤੀਵਿਧੀਆ ਉਸਾਰੂ ਢੰਗ ਨਾਲ ਪਿਛਲੇ 57 ਸਾਲਾਂ ਤੋਂ ਚਲਾ ਰਹੀ ਹੈ। 2004 ਵਿੱਚ ਸਭਾ ਨਾਰਥ ਜੋਨ ਕਲਚਰਨ ਸੈਂਟਰ, ਪਟਿਆਲਾ ਦੇ ਸਹਿਯੋਗ ਨਾਲ ਸਾਵਣ ਕਵੀ ਦਰਬਾਰ ਆਯੋਜਿਤ ਕਰਕੇ ਡਾਢਾ ਮਾਣ ਮਹਿਸੂਸ ਕੀਤਾ, ਜਿਸ ਵਿੱਚ 56 ਵਾਚ ਕਲਾਕ ਕਵੀਆਂ ਨੂੰ ਯਾਦ ਚਿੰਨ੍ਹ ਵੱਜੋਂ ਦਿੱਤੇ ਗਏ। ਪੂਰੀ ਸਭਾ ਨੂੰ ਇਹ ਮਾਣ ਹੋ ਰਿਹਾ ਹੈ ਕਿ ਨੌਜਵਾਨ ਇੰਜੀਨੀਅਰ ਤੇ ਸਾਹਿਤਕਾਰ ਕਵਲਦੀਪ ਸਿੰਘ 'ਕੰਵਲ' ਦੇ ਉਚੇਚੇ ਨਿਸ਼ਕਾਮ ਯਤਨਾਂ ਸਦਕਾ ਪੰਜਾਬੀ ਸਾਹਿਤ ਸਭਾ ਇੰਟਰਨੈਟ ਦੀ ਦੁਨੀਆ ਵਿੱਚ ਕਦਮ ਰੱਖ ਰਹੀ ਹੈ। 'ਕੰਵਲ' ਦੇ ਸਿਰੜ ਸਦਕਾ ਸਾਹਿਤ ਸਭਾ ਦਾ ਪੱਧਰ ਬੇਹੱਦ ਵਿਸ਼ਾਲ ਹੋ ਜਾਵੇਗਾ ਤੇ ਇਸਦੀ ਕਾਰਜਸ਼ੈਲੀ ਵਿੱਚ ਖਾਸਾ ਉਤਸ਼ਾਹਵਰਧਕ ਪਰਿਵਰਤਨ ਆਣ ਦਾ ਅਨੁਮਾਨ ਹੈ, 'ਕੰਵਲ' ਨੂੰ ਵਧਾਈ ਤੇ ਸ਼ੁਭ-ਇੱਛਾਵਾਂ। ਅੱਗੋਂ ਵਾਸਤੇ ਵੀ ਇਹ ਅਰਦਾਸ ਹੈ ਕਿ ਸਭਾ ਆਪਣੇ ਪ੍ਰਧਾਨ ਪ੍ਰਿੰ. ਮੋਹਨ ਸਿੰਘ ਪ੍ਰੇਮ ਤੇ ਉਨ੍ਹਾਂ ਦੀ ‘‘ਸੱਜਰੀ ਟੀਮ’’ ਨਾਲ ਭਵਿੱਖ ਵਿੱਚ ਵੀ ਮੰਜ਼ਿਲ ਦਰ ਮੰਜ਼ਿਲ ਤਰੱਕੀ ਦੀਆਂ ਸ਼ਿਖਰਾਂ ਛੂੰਹਦੀ ਹੋਈ ਪੰਜਾਬੀ ਭਾਸ਼ਾ, ਸਾਹਿਤ ਅਤੇ ਸਭਿਆਚਾਰ ਦੀ ਤਨਦੇਹੀ ਨਾਲ ਸੇਵਾ ਕਰਦੀ ਰਹੇ।

ਮੌਜੂਦਾ ਪ੍ਰਧਾਨ ਪ੍ਰਿੰਸੀਪਲ ਮੋਹਨ ਸਿੰਘ ਪ੍ਰੇਮ: ਇੱਕ ਨਜ਼ਰ

ਪ੍ਰਿੰਸੀਪਲ ਮੋਹਨ ਸਿੰਘ ਪ੍ਰੇਮ
--ਬਾਇਉ ਡਾਟਾ--

1. ਵਿੱਦਿਅਕ ਯੋਗਤਾ :- ਐਮ.ਏ. (ਪੰਜਾਬੀ), ਬੀ.ਟੀ., ਬੀ.ਏ. (ਪ੍ਰਸ਼ੀਅਨ)

2. ਜਨਮ ਮਿਤੀ :- 15-09-1928

3. ਟੈਲੀਫੋਨ ਨੰਬਰ :- 0175-2213194

4. ਸਾਹਿਤਕ ਦੇਣ :-
ਗਲਪ ਸਾਹਿਤ :-
1. ਪਿਆਰ ਨਿਸ਼ਾਨੀ (ਨਾਵਲ) (1946): ਅਛੂਤੇ ਪਿਆਰ ਦੀ ਦਾਸਤਾਨ
2. ਨਵ-ਜੀਵਨ (ਨਾਵਲ) (1947): ਉਤਸ਼ਾਹੀ ਤੇ ਉਮੰਗਾਂ ਭਰੇ ਦਿਲ ਦੀ ਕਹਾਣੀ
3. ਦਿਲ ਟੋਟੇ-ਟੋਟੇ (ਨਾਵਲ) (1949): ਦੇਸ਼ ਦੇ ਪ੍ਰਵਾਨਿਆਂ ਦਾ ਹਾਲ, ਆਜ਼ਾਦੀ ਦੇ ਸੁਪਨਿਆਂ ਦੀ ਕਹਾਣੀ।
4. ਇਕ ਸ਼ਾਮ ਦੀ ਗੱਲ (ਕਹਾਣੀ ਸੰਗ੍ਰਹਿ) (1959): ਆਦਰਸ਼ ਕਹਾਣੀਆਂ ਅਤੇ ਨਾਵਲੀ ਦਾ ਮੁੱਢ:
‘ਦੀਵਾ ਸਹਿਜ ਬਲੇ’
ਸੰਪਾਦਨ :-
5. ਪਹੁ ਫੁੱਟੀ (1989): 12/47 (ਕਹਾਣੀਆਂ) ਸੰਪਾਦਨ
6. ਪਹੁ ਫੁਟਾਲਾ ਤੇ ਹੋਰ ਕਹਾਣੀਆਂ (1990): 12/54 (ਕਹਾਣੀਆਂ) ਸੰਪਾਦਨ
7. ਸੋਲ੍ਹਾਂ ਸ਼ਿੰਗਾਰ (1991): 16/64 (ਕਹਾਣੀਆਂ) ਸੰਪਾਦਨ
8. ਬਾਰਹਾ ਕੰਚਨ (1993): 18/72 (ਕਹਾਣੀਆਂ) ਸੰਪਾਦਨ
9. ਲਿਸ਼ਕਾਂ (1994): 12/93 (ਕਹਾਣੀਆਂ) ਸੰਪਾਦਨ
10. ਕਥਾ ਕਹਾਣੀਆਂ (1995): 18/118 (ਕਹਾਣੀਆਂ) ਸੰਪਾਦਨ
11. ਚੰਦਨ ਸੁਗੰਧ (1996): 16/127 (ਕਹਾਣੀਆਂ) ਸੰਪਾਦਨ
12. ਹੀਰੇ ਮੋਤੀ (2005): 17/115 (ਕਹਾਣੀਆਂ) ਸੰਪਾਦਨ
ਟੀਕਾ ਸਾਹਿਤ ਅਤੇ ਅਧਿਐਨ :-
13. ਗੁਰੂ ਨਾਨਕ ਬਾਣੀ
(ਜਪੁ ਜੀ ਸਾਹਿਬ, ਆਸਾ ਦੀ ਵਾਰ ਦੀ ਸਟੀਕ ਅਤੇ ਸਾਹਿੱਤਕ ਅਧਿਐਨ)
14. ਗੁਰੂਬਾਣੀ
(ਜਪੁ ਜੀ ਸਾਹਿਬ, ਅਨੰਦ ਸਾਹਿਬ ਅਤੇ ਗੂਜਰੀ ਦੀ ਵਾਰ ਮਹੱਲਾ 5 ਦਾ ਸਟੀਕ ਅਤੇ ਸਾਹਿਤਕ ਅਧਿਐਨ)
15. ਸਿੱਧ ਗੋਸ਼ਟਿ
(ਗੁਰੂ ਨਾਨਕ ਦੇਵ ਜੀ ਦੀ ਬਾਣੀ ਸਿੱਧ ਗੋਸ਼ਟਿ ਦਾ ਸਟੀਕ ਅਤੇ ਸਾਹਿਤਕ ਅਧਿਐਨ)
16. ਪੰਜਾਬੀ ਕਵਿਤਾ (ਗੁਰਬਾਣੀ ਭਾਗ) (1978)
ਬਾਬਾ ਫ਼ਰੀਦ ਦੀ ਗੁਰੂ ਗ੍ਰੰਥ ਸਾਹਿਬ ਵਿੱਚ ਆਈ ਬਾਣੀ; ਗੁਰੂ ਨਾਨਕ ਦੇਵ, ਗੁਰੂ ਅਮਰਦਾਸ, ਗੁਰੂ ਰਾਮਦਾਸ, ਗੁਰੂ ਅਰਜਨ ਦੇਵ ਤੇ ਗੁਰੂ ਗੋਬਿੰਦ ਸਿੰਘ ਜੀ ਦੀ ਚੋਣਵੀˆ ਬਾਣੀ ਦਾਸਟੀਕ ਅਤੇ ਅਧਿਐਨ।
ਇਤਿਹਾਸ ਤੇ ਸਿਧਾਂਤ :-
17. ਪੰਜਾਬੀ ਸਾਹਿਤ ਦਾ ਇਤਿਹਾਸ (1979)
(800 ਈਸਵੀ ਤੋਂ ਸ਼ੁਰੂ ਕਰਕੇ ਆਧੁਨਿਕ ਕਾਲ :(ਛੱਪਣ ਤਕ)
18. ਸਾਹਿਤ ਸਰੂਪ ਤੇ ਸਮਾਲੋਚਨਾ (1979)
(ਸਾਹਿਤ ਦੇ ਰੂਪ, ਸਿਧਾਂਤ ਤੇ ਸਮਾਲੋਚਨਾ ਬਾਰੇ ਇੱਕ ਨਾਯਾਬ ਪੁਸਤਕ)
ਜਨਰਲ :-
19. ਛੰਦ ਅਲੰਕਾਰ (1949)
20. ਪੰਜਾਬੀ ਅਖਾਣ (1950)
21. ਸੰਖੇਪ ਰਚਨਾ (1951)
ਗੱਦ ਸਾਹਿਤ :-
22. ਬਾਬਾ ਪ੍ਰੇਮ ਸਿੰਘ ਹੋਤੀ- ਜੀਵਨ ਅਤੇ ਰਚਨਾ!
23. ਸ੍ਵੈ-ਜੀਵਨੀ: ‘ਤੀਸਾ ਕਾ ਸੁੰਦਰ ਕਹਾਵੈ’ (2006) ਵਿੱਚ (ਛਪਣ ਅਧੀਨ) (23 ਪੁਸਤਕਾਂ)

5. ਗਿਆਨੀ ਤੇ ਐਮ.ਏ. ਪੰਜਾਬੀ ਕਲਾਸਾਂ ਪੜ੍ਹਾਉਣ ਦਾ ਤਜਰਬਾ :-
(ੳ) 1945 ਵਿੱਚ 17 ਸਾਲ ਦੀ ਉਮਰ ਵਿੱਚ ਗਿਆਨੀ ਪੜ੍ਹਾਉਣੀ ਸ਼ੁਰੂ ਕੀਤੀ ਤੇ 1994 ਤੱਕ ਪੜ੍ਹਾਉˆਦੇ ਰਹੇ। (ਕੁੱਲ ਤਜਰਬਾ 50 ਸਾਲ)
(ਅ) ਸਥਾਨਕ ਕਲਾਸਾਂ ਵਿੱਚ (ਗਿਆਨੀ ਦੇ) 10,000 (ਦਸ ਹਜ਼ਾਰ) ਤੋˆ ਵੀ ਵੱਧ ਵਿਦਿਆਰਥੀ ਪੜ੍ਹਾਏ।

(ੲ) ਇਸੇ ਤਰ੍ਹਾਂ ਗਿਆਨੀ ਅਤੇ ਐਮ.ਏ. ਪੰਜਾਬੀ ਦੀਆਂ ਕਲਾਸਾਂ ਵਿੱਚ 5500 ਵਿਦਿਆਰਥੀ ਡਾਕ ਦੀਆਂ ਕਲਾਸਾਂ ਵਿੱਚ ਪੜ੍ਹਾਏ।
(ਸ) ਇਨ੍ਹਾਂ ਪੜ੍ਹਾਏ ਵਿਦਿਆਰਥੀਆਂ ਵਿੱਚੋਂ :-
(1) 1966 ਵਿੱਚ ਮਨੋਰੰਜਨ ਦੱਤ ਨੇ 420 ਅੰਕ ਨਾਲ ਫਸਟ ਕਲਾਸ-ਫਸਟ ਪੁਜ਼ੀਸ਼ਨ ਲੈ ਕੇ ਰਿਕਾਰਡ ਕਾਇਮ ਕੀਤਾ। ਹੁਣ ਤੱਕ ਇਹ ਰਿਕਾਰਡ ਕਿਸੇ ਹੋਰ ਵਿਦਿਆਰਥੀ ਵੱਲੋˆ ਨਹੀˆ ਤੋੜਿਆ ਗਿਆ। ਯੂਨੀਵਰਸਿਟੀ ਦੇ ਨਿਯਮਾਂ ਦੇ ਅਨੁਸਾਰ ਉਸ ਨੂੰ ਸੋਨੇ ਦਾ ਮੈਡਲ ਮਿਲਿਆ।
(2) ਮਾਰਚ 1989 ਵਿੱਚ ਸੋਹਨ ਲਾਲ ਨੇ ਫ਼ਸਟ ਕਲਾਸ-ਫ਼ਸਟ ਪੁਜ਼ੀਸ਼ਨ ਲੈ ਕੇ ਯੂਨੀਵਰਸਿਟੀ ਵਿੱਚ ਗੋਲਡ ਮੈਡਲ ਪ੍ਰਾਪਤ ਕੀਤਾ।
(3) ਗਿਆਨੀ ਵਿੱਚ 20 ਫਸਟ ਤੇ ਸੈਕਿੰਡ ਪੁਜ਼ੀਸ਼ਨਾਂ ਅਤੇ ਬੁੱਧੀਮਾਨ ਵਿੱਚ 9 ਫਸਟ ਸੈਕਿੰਡ ਪੁਜ਼ੀਸ਼ਨਾਂ ਪ੍ਰਾਪਤ ਕੀਤੀਆਂ।
(4) ਕਾਰਸਪਾਂਡਸ ਕੋਰਸਿਜ਼ 1952 ਵਿੱਚ ਗਿਆਨੀ, ਵਿਦਵਾਨ ਆਦਿ ਲਈ, 1955 ਵਿੱਚ ਐਮ.ਏ. ਪੰਜਾਬੀ ਦੀ ਕਲਾਸ ਸ਼ੁਰੂ ਕੀਤੀ ਗਈ। ਹੁਣ ਤੱਕ ਐਮ.ਏ. ਭਾਗ ਪਹਿਲਾ ਵਿੱਚ 222, 220, 216, 212 ਅਤੇ ਭਾਗ ਦੂਜੇ ਵਿੱਚੋਂ 437 ਤੱਕ ਪਾਸ ਪ੍ਰਸੈˆਟੇਜ ਬੜੀ ਅੱਛੀ ਰਹਿੰਦੀ ਰਹੀ। ਜਿਵੇˆ 1970 ਵਿੱਚ 25 ਐਮ.ਏ. ਪੰਜਾਬੀ ਦੇ ਵਿਦਿਆਰਥੀ ਵਿੱਚੋਂ 24 ਚੰਗੇ ਨੰਬਰਾਂ ਤੇ ਪਾਸ ਹੋਏ। ਹੁਣ ਤੱਕ ਲਗਭਗ 1200 ਐਮ.ਏ. ਦੇ ਵਿਦਿਆਰਥੀ (ਸਥਾਨਕ ਤੇ ਡਾਕ ਰਾਹੀਂ) ਪਟਿਆਲਾ ਗਿਆਨੀ ਕਾਲਜ ਵਿੱਚ ਵਿੱਦਿਆ ਪ੍ਰਾਪਤ ਕਰ ਚੁੱਕੇ ਹਨ।
ਕਈ ਵਿਦਿਆਰਥੀ ਇਸ ਕਾਲਜ ਰਾਹੀਂ ਪੜ੍ਹਾਈਆਂ ਜਾਂਦੀਆਂ ਕਲਾਸਾਂ ਜਿਵੇˆ ਗਿਆਨੀ, ਬੀ.ਏ. ਪਾਰਟ 1, 2 ਤੇ 3, ਐਮ.ਏ. ਪੰਜਾਬੀ ਭਾਗ 1 ਤੇ ਭਾਗ 2 ਵਿੱਚ ਲਗਾਤਾਰ ਇੱਕ ਕਲਾਸ ਪਾਸ ਕਰਨ ਮਗਰੋˆ ਦੂਜੀ ਕਲਾਸ ਵਿੱਚ ਪੜ੍ਹਦੇ ਰਹੇ ਤੇ ਪਾਸ ਹੁੰਦੇ ਰਹੇ। ਜੋ ਇਸ ਸਮੇਂ ਗਜ਼ਟਿਡ ਪੋਸਟਾਂ ਤੋਂ ਰਿਟਾਇਰ (ਜਿਵੇਂ ਸਤਵੰਤ ਕੌਰ ਕਾਲਕਾ) ਹੋ ਗਏ ਹਨ। ਇੱਕ ਵਿਦਿਆਰਥੀ ਨੇ ਗਿਆਨੀ ਪਾਸ ਕਰਕੇ ਤਰੱਕੀ ਕਰਦਾ ਹੋਇਆ ਸੁਪਰੀਮ ਕੋਰਟ ਦੇ ਜੱਜ ਦੀ ਪੱਦਵੀ ਤੱਕ ਜਾ ਪੁੱਜਾ ਹੈ ਤੇ ਹੁਣ ਰਿਟਾਇਰ ਹੋ ਚੁੱਕਾ ਹੈ ਅਤੇ ਹੋਰ ਵੀ ਵਿਦਿਆਰਥੀ ਕਈ ਵੱਡੀਆਂ-ਵੱਡੀਆਂ ਪੋਸਟਾਂ ਤੱਕ ਪਹੁੰਚੇ।

6. ਲੈਕਚਰ ਲੜੀਆਂ ਦਾ ਪ੍ਰਬੰਧ :-

ਵੱਖ-ਵੱਖ ਸਮਿਆਂ ਵਿੱਚ ਦਸ-ਦਸ ਦੀਆਂ ਲੈਕਚਰ ਲੜੀਆਂ (ਕੁੱਲ 50 ਲੈਕਚਰ) ਦਾ ਪ੍ਰਬੰਧ ਕਰਵਾਇਆ ਗਿਆ। ਜਿਨ੍ਹਾਂ ਵਿੱਚ ਬਾਬਾ ਪ੍ਰੇਮ ਸਿੰਘ ਹੋਤੀ, ਡਾ: ਜੀਤ ਸਿੰਘ ਸੀਤਲ, ਡਾ: ਗੰਡਾ ਸਿੰਘ, ਸ੍ਰ: ਨਾਨਕ ਸਿੰਘ ਨਾਵਲਿਸਟ, ਗਿਆਨੀ ਹੀਰਾ ਸਿੰਘ ਦਰਦ, ਸੰਤ ਇੰਦਰ ਸਿੰਘ ਚੱਕਰਵਤੀ, ਗਿਆਨੀ ਲਾਲ ਸਿੰਘ ਡਾਇਰੈਕਟਰ ਜਨਰਲ ਭਾਸ਼ਾਵਾਂ ਵਿਭਾਗ, ਸ੍ਰ: ਕਪੂਰ ਸਿੰਘ ਘੁੰਮਣ ਡਾਇਰੈਕਟਰ ਭਾਸ਼ਾ ਵਿਭਾਗ, ਪੰਜਾਬ, ਪ੍ਰਿੰ: ਸੰਤ ਸਿੰਘ ਸੇਖੋˆ, ਸ੍ਰੀ ਬਲਵੰਤ ਗਾਰਗੀ, ਸ੍ਰ: ਜਸਵੰਤ ਸਿੰਘ ਕੰਵਲ, ਡਾ: ਗੁਰਚਰਨ ਸਿੰਘ, ਪ੍ਰੋ: ਪਿਆਰਾ ਸਿੰਘ ਪਦਮ, ਪ੍ਰੋ: ਗੁਲਵੰਤ ਸਿੰਘ, ਪ੍ਰੋ: ਹਰਮਿੰਦਰ ਸਿੰਘ, ਗਿਆਨੀ ਸੇਵਾ ਸਿੰਘ ਮਾਨ, ਗਿਆਨੀ ਰਣਧੀਰ ਸਿੰਘ, ਪ੍ਰਿੰ: ਨਿਹਾਲ ਸਿੰਘ ਰਸ, ਪ੍ਰਿੰ: ਐਸ.ਐਸ. ਅਮੋਲ, ਪ੍ਰਿੰ: ਨਰਿੰਜਨ ਸਿੰਘ ਮੀਠਾ, ਸ: ਸਮਸ਼ੇਰ ਸਿੰਘ ਅਸ਼ੋਕ, ਪ੍ਰੋ: ਓ.ਪੀ. ਸ਼ਰਮਾ, ਪ੍ਰੋ: ਕ੍ਰਿਪਾਲ ਸਿੰਘ ਕਸੇਲ, ਪ੍ਰੋ: ਪਰਮਿੰਦਰ ਸਿੰਘ ਆਦਿ ਦੇ ਨਾਮ ਵਰਣਨਯੋਗ ਹਨ।

7. ਖੋਜ ਪੱਤਰ :-

1. ਭਾਸ਼ਾ ਵਿਭਾਗ ਪੰਜਾਬ ਵੱਲੋਂ ਲਿਖਵਾਇਆ ਖੋਜ ਪੱਤਰ ‘‘ਪਟਿਆਲਾ ਡਵੀਜਨ ਦੇ ਗਿਆਨੀ ਕਾਲਜਾਂ ਦਾ ਪੰਜਾਬੀ ਸਾਹਿਤ ਭਾਸ਼ਾ ਤੇ ਸਭਿਆਚਾਰ ਲਈ ਯੋਗਦਾਨ’’ ਉਦੋਂ ਦੇ ਵਾਈਸ ਚਾਂਸਲਰ ਡਾ: ਐਸ.ਐਸ. ਜੋਹਲ ਦੀ ਪ੍ਰਧਾਨਗੀ ਹੇਠ ਹੋਏ ਸਮਾਗਮ ਵਿੱਚ ਰੋਪੜ ਦੇ ਸਥਾਨ ਤੇ ਪੜ੍ਹਿਆ।
2. ‘‘ਅਧਿਆਤਮਿਕ ਵਾਰਾਂ ਦਾ ਸਾਹਿੱਤਕ ਮੁਲਾਂਕਣ’’ ਨਾਭੇ ਵਿੱਚ ਗਿਆਨੀ ਕਾਲਜ ਐਸੋਸੀਏਸ਼ਨ ਪੰਜਾਬ (ਰਜਿ:) ਦੇ ਸਮਾਰੋਹ ਦੇ ਮੌਕੇ ਤੇ ਪੜ੍ਹਿਆ।
3. ‘‘ਬਾਬਾ ਪ੍ਰੇਮ ਸਿੰਘ ਜੀ ਹੋਤੀ- ਦੇ ਜੀਵਨ ਤੇ ਰਚਨਾ’’ ਦੇ ਵਿਸ਼ੇ ਤੇ ਇੰਟਰਨੈਸ਼ਨਲ ਸਿੱਖ ਬੁੱਧੀਜੀਵੀ ਸੰਸਥਾ ਦੇ ਸਮਾਰੋਹ ਦੇ ਮੌਕੇ ਉੱਤੇ ਸੈˆਟਰਲ ਲਾਇਬ੍ਰੇਰੀ ਦੇ ਲੈਕਚਰ ਹਾਲ ਵਿੱਚ 6 ਨਵੰਬਰ, 1993 ਨੂੰ ਪੜ੍ਹਿਆ ਤੇ ਲੇਖਕ ਨੂੰ ਸ਼੍ਰੋਮਣੀ ਕਮੇਟੀ ਵੱਲੋਂ ਪੁਰਸਕਾਰਿਤ ਕੀਤਾ ਗਿਆ।

8. ਪੱਤਰਕਾਰੀ ਦਾ ਤਜਰਬਾ :-

(ੳ) 19 ਸਾਲ ਦੀ ਉਮਰ ਵਿੱਚ ਨਵੰਬਰ 1947 ਮਾਸਿਕ ਪੱਤਰ ‘‘ਪਹੁ ਫੁੱਟੀ’’ ਕੱਢਿਆ। ਨਵੰਬਰ ਤੇ ਦਸੰਬਰ ਦੇ ਪਰਚੇ ਕੱਢਣ ਤੋˆ ਬਾਅਦ 1 ਜਨਵਰੀ, 1948 ਤੋˆ ਬਾਅਦ ਵੀਕਲੀ ਕੱਢਣਾ ਸ਼ੁਰੂ ਕੀਤਾ ਅਤੇ 11 ਫਰਵਰੀ, 1985 ਤੱਕ ਵੀਕਲੀ ਰਿਹਾ। 12 ਫਰਵਰੀ, 1985 ਤੋਂ ਹੁਣ ਤੱਕ ਰੋਜ਼ਾਨਾ ਪਹੁ-ਫੁੱਟੀ ਚਲਦਾ ਰਿਹਾ ਹੈ। (59 ਸਾਲ)
(ਅ) ਸਰਬ ਭਾਰਤੀ ਪ੍ਰੈਸ ਕਮਿਸ਼ਨ ਕੋਲ ਪੰਜਾਬ ਦੇ ਵੀਕਲੀ ਅਖਬਾਰਾਂ ਵੱਲੋਂ ਚੰਡੀਗੜ੍ਹ ਯੂ.ਟੀ. ਗੈਸਟ ਹਾਊਸ ਵਿਚਕਾਰ ਨੁਮਾਇੰਦਗੀ ਕੀਤੀ। ਉਦੋˆ ਦੇ ਸਮਕਾਲੀ ਰੋਜ਼ਾਨਾ ਅਖਬਾਰਾਂ ਵੱਲੋˆ ਰੋਜ਼ਾਨਾ ਮਿਲਾਪ ਦੇ ਸ਼੍ਰੀ ਯਸ਼, ਰੋਜ਼ਾਨਾ ‘‘ਅਜੀਤ’’ ਦੇ ਸ: ਸਾਧੂ ਸਿੰਘ ਹਮਦਰਦ, ਰੋਜ਼ਾਨਾ ‘‘ਅਕਾਲੀ ਪਤ੍ਰਕਾ’’ ਦੇ ਗਿਆਨੀ ਸ਼ਾਦੀ ਸਿੰਘ ਆਦਿ ਪ੍ਰਤੀਨਿਧਤਾ ਕਰ ਰਹੇ ਸਨ।

9. ਸ਼੍ਰੋਮਣੀ ਪੱਤਰਕਾਰ ਦਾ ਸਨਮਾਨ :-

ਭਾਸ਼ਾ ਵਿਭਾਗ, ਪੰਜਾਬ, ਪਟਿਆਲਾ ਤੋˆ 1981 ਦਾ ਸ਼੍ਰੋਮਣੀ ਪੱਤਰਕਾਰ ਦਾ ਸਨਮਾਨ ਪ੍ਰਾਪਤ ਹੋਇਆ। 28 ਜੁਲਾਈ, 1982 ਨੂੰ ਰਾਜਪਾਲ ਪੰਜਾਬ, ਡਾ: ਚੰਨਾ ਰੈਡੀ, ਨੇ ਪੰਜਾਬ ਸਰਕਾਰ ਵੱਲੋˆ ਇੱਕ ਮਾਣ ਪੱਤਰ, ਇੱਕ ਸ਼ਾਲ, ਇੱਕ ਸੋਨੇ ਦਾ ਮੈਡਲ ਤੇ 5100/- ਰੁਪੈ ਸਨਮਾਨ ਵਿੱਚ ਦਿੱਤਾ ਅਤੇ ਸਰਕਾਰ ਵੱਲੋਂ ਪੰਜਾਬ ਦੇ ਅੰਗਰੇਜ਼ੀ, ਹਿੰਦੀ, ਉਰਦੂ ਤੇ ਪੰਜਾਬੀ ਦੇ 10 ਅਖ਼ਬਾਰਾਂ ਵਿੱਚ 2-2 ਪੂਰੇ ਸਫ਼ੇ ਦਾ ਇੱਕ ਸ਼ਾਨਦਾਰ ਸਪਲੀਮੈਂਟ ਪ੍ਰਕਾਸ਼ਿਤ ਕੀਤਾ ਗਿਆ।

10. ਸਰਬ ਭਾਰਤੀ ਪਹੁ ਫੁੱਟੀ ਕਹਾਣੀ ਮੁਕਾਬਲਿਆਂ ਬਾਰੇ ਸੰਖੇਪ ਜਾਣਕਾਰੀ :-
ਮਿਤੀ 28 ਜੁਲਾਈ, 1982 ਨੂੰ ਪੰਜਾਬ ਰਾਜ ਭਵਨ, ਚੰਡੀਗੜ੍ਹ ਵਿੱਚ ਲੇਖਕ ਨੂੰ ਭਾਸ਼ਾ ਵਿਭਾਗ ਪੰਜਾਬ ਵੱਲੋˆ ਸ਼੍ਰੋਮਣੀ ਪੱਤਰਕਾਰ ਦਾ ਪੁਰਸਕਾਰ ਪ੍ਰਦਾਨ ਕੀਤਾ ਗਿਆ। ਲੇਖਕ ਨੇ ਪੁਰਸਕਾਰ ਦੀ ਰਾਸ਼ੀ 5100/- ਰੁਪੈ ਬੈˆਕ ਵਿੱਚ ਜਮਾਂ ਕਰਵਾ ਦਿੱਤੀ ਤੇ ‘ਸਰਬ ਭਾਰਤੀ ਪਹੁ ਫੁੱਟੀ ਕਹਾਣੀ ਮੁਕਾਬਲੇ’ ਸ਼ੁਰੂ ਕਰਵਾ ਦਿੱਤੇ। ਸਾਰੇ ਪੰਜਾਬੀ ਅਖਬਾਰਾਂ ਵਿੱਚ ਖ਼ਬਰਾਂ ਛਪਕਾ ਕੇ ਕਹਾਣੀਆਂ ਦੀ ਇੱਕ ਨਿਸ਼ਚਿਤ ਮਿਤੀ ਤੱਕ ਮੰਗ ਕੀਤੀ ਗਈ। 31 ਮਾਰਚ, 1983 ਤੱਕ 47 ਕਹਾਣੀਆਂ ਆਈਆਂ। ਤਿੰਨ ਜੱਜ ਸਾਹਿਬਾਨ ਵੱਲੋˆ ਜੱਜਮੈˆਟ ਕਰਵਾਈ ਗਈ ਪਰ ਪੰਜਾਬ ਦੇ ਹਾਲਾਤ ਠੀਕ ਨਾ ਹੋਣ ਕਰਕੇ ਛੇ ਸਾਲ ਉਡੀਕਣਾ ਪਿਆ। 1989 ਤੋˆ 2005 ਤੱਕ ਚੋਣਵੀਆਂ ਕਹਾਣੀਆਂ ਦੇ ਅੱਠ ਸੰਗ੍ਰਹਿ ਪਹਿਲਾਂ ਦੱਸੀ ਵਿਧੀ ਅਨੁਸਾਰ ਕਹਾਣੀਆਂ ਦੀ ਮੰਗ ਕੀਤੀ ਗਈ, ਜੱਜਮੈˆਟ ਕਰਵਾ ਕੇ ਸਬੰਧਤ ਕਹਾਣੀਆਂ ਵਿੱਚੋਂ ਚੋਣਵਾਂ ਕਹਾਣੀ ਸੰਗ੍ਰਹਿ ਛਾਪਿਆ ਗਿਆ। ਸੰਪਾਦਨ ਕੀਤੀਆਂ ਗਈਆਂ ਅੱਠ ਪੁਸਤਕਾਂ ਇਨ੍ਹਾਂ ਮੁਕਾਬਲਿਆਂ ਦੀ ਦੇਣ ਹਨ। ਇਨ੍ਹਾਂ ਅੱਠ ਕਹਾਣੀ ਮੁਕਾਬਲਿਆਂ ਵਿੱਚ 690 ਕਹਾਣੀਆਂ ਪ੍ਰਾਪਤ ਹੋਈਆਂ।
ਇਨ੍ਹਾਂ ਪੁਸਤਕਾਂ ਦੀਆਂ 500 ਕਾਪੀਆਂ ਛਾਪੀਆਂ ਜਾਂਦੀਆਂ ਰਹੀਆਂ ਅਤੇ ਲਗਭਗ 400 ਕਾਪੀਆਂ ਵਾਰਸ਼ਿਕ ਸਮਾਰੋਹ ਵਿੱਚ ਫਰੀ ਵੰਡੀਆਂ ਜਾਂਦੀਆਂ ਰਹੀਆਂ। ਪਹਿਲੇ, ਦੂਜੇ ਤੇ ਤੀਜੇ ਨੰਬਰ ਤੇ ਆਏ (ਇਸ ਵੇਲੇ) 1500/-, 1000/- ਤੇ 500/- ਕ੍ਰਮਵਾਰ ਅਤੇ ਬਾਕੀ ਕਹਾਣੀਕਾਰਾਂ ਨੂੰ ਜਿੰਨਾਂ ਦੀ ਕਹਾਣੀ ਪੁਸਤਕ ਵਿੱਚ ਸ਼ਾਮਿਲ ਕੀਤੀ ਗਈ ਹੈ, ਹਰੇਕ ਨੂੰ 100 ਰੁਪੈ ਦਾ ਇਨਾਮ, ਮੋਮੈਂਟੋ ਅਤੇ ਹਰੇਕ ਨੂੰ ਸਬੰਧਤ ਪੁਸਤਕ ਦੀਆਂ ਪੰਜ-ਪੰਜ ਕਾਪੀਆਂ ਸਨਮਾਨ ਵੱਜੋˆ ਦਿੱਤੀਆਂ ਜਾਂਦੀਆਂ ਰਹੀਆਂ। ਜੱਜ ਸਾਹਿਬਾਨ ਨੂੰ ਮੋਮੈˆਟੋ ਤੇ ਦੋ-ਦੋ ਕਾਪੀਆਂ, ਮੁੱਖ ਮਹਿਮਾਨ, ਸਤਿਕਾਰਤ ਮਹਿਮਾਨ ਅਤੇ ਪ੍ਰਤਿਸ਼ਠਤ ਵਿਅਕਤੀਆਂ ਨੂੰ ਮੋਮੈˆਟੋ ਤੇ ਦੋ-ਦੋ ਕਾਪੀਆਂ ਭੇਟ ਕੀਤੀਆਂ ਜਾਂਦੀਆਂ ਰਹੀਆਂ। ਪੁਸਤਕਾਂ ਅਖ਼ਬਾਰਾਂ ਵਿੱਚ ਰੀਵਿਯੂ ਲਈ ਭੇਜੀਆਂ ਜਾਂਦੀਆਂ ਰਹੀਆਂ ਅਤੇ ਉਹਨਾਂ ਦੇ ਰੀਵਿਯੂ ਛੱਪਦੇ ਵੀ ਰਹੇ। ਇਕੱਤਰਤ ਕਹਾਣੀਕਾਰਾਂ ਨੂੰ ਆਉਣ-ਜਾਣ ਦਾ ਬੱਸ ਦਾ ਕਿਰਾਇਆ ਦਿੱਤਾ ਜਾਂਦਾ ਰਿਹਾ ਤੇ ਉਪਰੰਤ ਸਮਾਰੋਹ ਦੀ ਸਮਾਪਤੀ ਉੱਪਰ ਸਾਰੇ ਹਾਜ਼ਰ, ਹਾਜ਼ਰੀਨ ਨੂੰ ਪ੍ਰੀਤੀ ਭੋਜ ਵੀ ਦਿੱਤਾ ਜਾਂਦਾ ਰਿਹਾ। ਇਸ ਤਰ੍ਹਾਂ ਹਰੇਕ ਸਾਲ ਲਗਭਗ 30 ਤੋਂ 40 ਹਜ਼ਾਰ ਖਰਚਾ ਆਉˆਦਾ ਰਿਹਾ।

11. ਜ਼ਿੰਮੇਵਾਰੀਆਂ :-
(ੳ) ਜ਼ਿਲ੍ਹਾ ਪਟਿਆਲਾ ਵੀਕਲੀ ਐਸੋਸੀਏਸ਼ਨ ਦੇ ਪ੍ਰਧਾਨ ਰਹੇ ਹਨ।
(ਅ) ਸੰਨ 1958 ਤੋˆ 1995 ਤੱਕ ਗਿਆਨੀ ਕਾਲਜ ਐਸੋਸੀਏਸ਼ਨ (ਰਜਿ:) ਪੰਜਾਬ ਦੇ ਪ੍ਰਧਾਨ ਰਹੇ।
(ੲ) ਪੈਪਸੂ-ਪੰਜਾਬ ਕਲਚਰਲ ਸੁਸਾਇਟੀ ਦੇ ਜਨਰਲ ਸਕੱਤਰ (1997 ਤੱਕ)।
(ਸ) ਪੰਜਾਬ ਲਿਖਾਰੀ ਸਭਾ ਦੇ ਪ੍ਰਧਾਨ (1975 ਤੋˆ 1985 ਤੱਕ)।
(ਹ) ਸਿਟੀਜ਼ਨ ਵੈਲਫੇਅਰ ਕੌˆਸਲ ਦੇ ਪ੍ਰੈਸ ਸਕੱਤਰ।
(ਕ) ਸੰਚਾਲਕ, ‘‘ਸਰਬ ਭਾਰਤੀ ਪਹੁ ਫੁੱਟੀ ਕਹਾਣੀ ਮੁਕਾਬਲਾ’’ 1989 ਤੋˆ 2005, ਹੁਣ ਤੱਕ ਅੱਠਵਾਂ ਮੁਕਾਬਲਾ ਪਿਛਲੇ ਸਾਲ ਹੋਇਆ ਹੈ।
(ਖ) ਜੁਲਾਈ, 1999 ਤੋˆ ਹੁਣ ਤੱਕ ਪੰਜਾਬੀ ਸਾਹਿਤ ਸਭਾ (ਰਜਿ:) ਪਟਿਆਲਾ ਦੇ ਪ੍ਰਧਾਨ ਚਲੇ ਆ ਰਹੇ ਹਨ। ਇਸ ਦੌਰਾਨ ਪੰਜਾਬੀ ਸਾਹਿਤ ਸਭਾ, (ਰਜਿ:) ਪਟਿਆਲਾ ਵੱਲੋਂ ਵੱਡੇ ਪੱਧਰ ਤੇ ਭਾਸ਼ਾ ਵਿਭਾਗ ਪਟਿਆਲਾ ਦੇ ਸੈਮੀਨਾਰ ਹਾਲ ਵਿੱਚ ਅਤੇ ਢੁਡਿਆਲ ਖਾਲਸਾ ਸੀ: ਸੈਕੰਡਰੀ ਸਕੂਲ ਵਿੱਚ ਲਗਾਤਾਰ ਸੱਤ ਸਾਲਾਂ ਤੋਂ ਮਾਸਕ ਮੀਟਿੰਗ ਨਿਰੰਤਰ ਆਯੋਜਿਤ ਕੀਤੀਆਂ ਜਾਂਦੀਆਂ ਰਹੀਆਂ ਹਨ। ਇਨ੍ਹਾਂ ਮੀਟਿੰਗਾਂ ਵਿੱਚ ਪੰਜਾਬ ਭਰ ਦੇ ਸਾਹਿਤਕਾਰਾਂ, ਕਵੀਆਂ, ਨਾਵਲਕਾਰਾਂ, ਕਹਾਣੀਕਾਰਾਂ ਤੇ ਮਿੰਨੀ ਕਹਾਣੀਕਾਰਾਂ, ਜੀਵਨੀ ਲੇਖਕਾਂ ਤੇ ਪ੍ਰਵਾਸੀ ਸਾਹਿਤਕਾਰਾਂ ਦੇ ਰੂ-ਬ-ਰੂ, ਪੁਸਤਕ ਰੀਲੀਜ਼ ਸਮਾਰੋਹ, ਯਾਦਗਾਰੀ ਸਮਾਗਮ ਪ੍ਰਤਿਸ਼ਟਿਤ ਵਿਅਕਤੀ ਦੀ ਪ੍ਰਧਾਨਗੀ ਤੇ ਵਿਸ਼ੇਸ਼ ਮਹਿਮਾਨੀ ਵਿੱਚ ਕਰਵਾਏ ਜਾਂਦੇ ਚਲੇ ਆ ਰਹੇ ਹਨ। ਪੰਜਾਬੀ ਕਹਾਣੀ ਦਰਬਾਰ ਵਿੱਚ ਬਚਿੰਤ ਕੌਰ ਤੇ ਚੰਦਨ ਨੇਗੀ ਨੂੰ, ਕਹਾਣੀਕਾਰ ਜਸਵੰਤ ਸਿੰਘ ਵਿਰਦੀ ਦਾ ਸਨਮਾਨ, ਰਣਬੀਰ ਸਿੰਘ ਨਿਊਯਾਰਕ ਤੇ ਪ੍ਰੇਮ ਗੋਰਖੀ ਦਾ ਰੂ-ਬ-ਰੂ ਤੇ ਸਨਮਾਨ, ਪ੍ਰੋ: ਕਿਰਪਾਲ ਸਿੰਘ ਕਸੇਲ ਦੀ ਸਵੈ-ਜੀਵਨੀ ‘‘ਪੌਣੀ ਸਦੀ ਦਾ ਸਫ਼ਰ’’, ਪ੍ਰਿੰ: ਮੋਹਨ ਸਿੰਘ ਪ੍ਰੇਮ ਦੇ ਦੇਸ਼ ਭਗਤੀ ਦੇ ਨਾਵਲ ‘‘ਦਿਲ ਟੋਟੇ ਟੋਟੇ’’, ਡਾ: ਅਵਤਾਰ ਸਿੰਘ ਦੀ ‘‘ਗੁਰੂ ਗ੍ਰੰਥ ਸਾਹਿਬ ਦਾ ਸਮਾਜ ਪੱਖੀ ਵਿਸ਼ਲੇਸ਼ਣ’’, ਡਾ: ਕੁਲਵੰਤ ਕੌਰ ਦੀ ਪੁਸਤਕ ‘‘ ਗੁਰੂ ਅੰਗਦ- ਅੰਗ ਤੇ’’, ਪ੍ਰਵਾਸੀ ਪ੍ਰਕਾਸ਼ ਸਿੰਘ ਆਜ਼ਾਦ ਦਾ ‘‘ਪਿਘਲਦਾ ਲਾਵਾ’’, ਚੰਦਨ ਨੇਗੀ ਦੇ ਨਾਵਲ ‘‘ਕਾਨਿਮ ਕਾਮਿਨੀ’’, ਡਾ: ਕਰਤਾਰ ਸਿੰਘ ਸੂਰੀ ਦੀ ‘‘ਅਮਿਟ-ਯਾਦਾਂ’’, ਆਦਿ ਉਤੇ ਗੋਸ਼ਟੀਆਂ ਤੇ ਰੀਲੀਜ਼ ਸਮਾਰੋਹ ਅਤੇ ਯਾਦਗਾਰੀ ਸਾਵਨ ਕਵੀ ਦਰਬਾਰ, ਬਸੰਤ ਕਵੀ ਦਰਬਾਰ ਹਰ ਸਾਲ ਆਯੋਜਿਤ ਕੀਤੇ ਜਾਂਦੇ ਰਹੇ। ਅੱਠਵੀਂ ਸਰਬ ਭਾਰਤੀ ਪਹੁ ਫੁੱਟੀ ਕਹਾਣੀ ਮੁਕਾਬਲੇ ਦਾ ਇਨਾਮੀ ਵੰਡ ਵਾਰਸ਼ਿਕ ਸਮਾਰੋਹ ਭਾਸ਼ਾ ਵਿਭਾਗ ਵਿੱਚ ਹੋਇਆ ਜਿਸ ਵਿੱਚ 115 ਆਈਆਂ ਕਹਾਣੀਆਂ ਵਿੱਚੋˆ 17 ਚੋਣਵੀਂਆਂ ਕਹਾਣੀਆਂ ਦੀ ‘‘ਹੀਰ ਮੋਤੀ’’ ਪੁਸਤਕ ਰੀਲੀਜ਼ ਕੀਤੀ ਗਈ। ਗਜ਼ਲ ਦੇ ਤਕਨੀਕ ਤੇ 01-05-2005 ਨੂੰ ਸ: ਤਰਸੇਮ ‘‘ਗਜ਼ਲ ਬਨਾਮ ਨਜ਼ਮ’’ ਪੇਪਰ ਭਾਸ਼ਾ ਵਿਭਾਗ ਪਟਿਆਲਾ ਦੇ ਸੈਮੀਨਾਰ ਹਾਲ ਵਿੱਚ ਪੜ੍ਹਿਆ। ਸਾਵਣ ਕਵੀ ਦਰਬਾਰ, ਡਾ: ਰਾਜਵੰਤ ਕੌਰ ਪੰਜਾਬੀ ਦੀ ਪੁਸਤਕ ‘‘ਵਿਆਹ ਦੇ ਲੋਕ ਗੀਤ - ਵਿਭਿੰਨ ਪਰਿਪੇਖ’’ ਉਪਰ ਗੋਸ਼ਟੀ, ਡਾ: ਹਰਜਿੰਦਰਪਾਲ ਸਿੰਘ ਦਾ ਰੂ-ਬ-ਰੂ, ਪ੍ਰਸਿੱਧ ਗਜ਼ਲ ਤੇ ਗੀਤਕਾਰ ਸ: ਬਲਬੀਰ ਸਿੰਘ ਸੈਣੀ ਦਾ ਰੂ-ਬ-ਰੂ; ਭਾਸ਼ਾ ਵਿਭਾਗ ਵਿੱਚ ਭਾਸ਼ਾ ਵਿਭਾਗ ਦੇ ਸਹਿਯੋਗ ਨਾਲ ‘‘ਰਾਜਿੰਦਰ ਕੌਰ ਵੰਤਾ ਯਾਦਗਾਰੀ ਐਵਾਰਡ’’ ਸ੍ਰੀ ਸਤਵੰਤ ਕੈਂਥ ਨੂੰ ਪ੍ਰਦਾਨ। ‘‘ਮਿੱਟੀ ਦਾ ਰੰਗ’’ ਨਰਿੰਦਰ ਕੌਰ ਰਚਿਤ ‘‘ਪੁਸਤਕ ਦਾ ਰੀਲੀਜ਼ ਸਮਾਰੋਹ; ਸ਼ਾਨਦਾਰ ਸਾਵਣ ਕਵੀ ਦਰਬਾਰ’’। ਸ੍ਰੀ ਮੋਹਨ ਸ਼ਰਮਾ ਨੁੰ ਛੇਵਾਂ ‘‘ਮਾਨ ਕੌਰ ਯਾਦਗਾਰੀ ਪੁਰਸਕਾਰ’’ ਦਿੱਤਾ ਗਿਆ। ਪ੍ਰਵਾਸੀ ਗਲਪਕਾਰ ਸ੍ਰੀ ਬਲਬੀਰ ਸਿੰਘ ਮੋਮੀ ਦਾ ਰੂ-ਬ-ਰੂ ਕਰਵਾਇਆ ਗਿਆ। 03-12-2006 ਨੂੰ ਕੈਪਟਨ ਮਹਿੰਦਰ ਸਿੰਘ ਰਚਿਤ ‘‘ਹੱਡ ਬੀਤੀ - ਜੱਗ ਬੀਤੀ’’ ਉਪਰ ਗੋਸ਼ਟੀ ਤੇ ਮਾਸਿਕ ਸਮਾਰੋਹ ਕਰਵਾਇਆ ਗਿਆ।

12. ‘‘ਪੰਜਾਬ ਰਤਨ ਐਵਾਰਡ ਨਾਲ ਸਨਮਾਨਤ’’
ਪ੍ਰਿੰਸੀਪਲ ਮੋਹਨ ਸਿੰਘ ਪ੍ਰੇਮ 06 ਨਵੰਬਰ, 2005 ਨੂੰ ਲੁਧਿਆਣੇ ਵਿੱਚ ‘‘ਸ਼ਹੀਦ ਮੈਮੋਰੀਅਲ ਸਰਵਿਸ ਸੁਸਾਇਟੀ ਲੁਧਿਆਣਾ ਅਤੇ ਸ: ਸਾਧੂ ਸਿੰਘ ਹਮਦਰਦ ਸਰਵਿਸ ਤੇ ਐਜੂਕੇਸ਼ਨਲ ਸੁਸਾਇਟੀ ਵੱਲੋˆ ਆਪਣੇ 39ਵੇਂ ਸਾਲਾਨਾ ਸਮਾਰੋਹ ਵਿੱਚ ‘‘ਪੰਜਾਬ ਰਤਨ’’ ਐਵਾਰਡ ਨਾਲ ਮੋਮੈਂਟੋ ਅਤੇ ਪ੍ਰਮਾਣ ਪੱਤਰ ਪ੍ਰਦਾਨ ਕਰਕੇ ਸਨਮਾਨਤ ਕੀਤਾ ਗਿਆ।

----0----

ਅਕਤੂਬਰ ਮਹੀਨੇ ਦੀ ਇਕੱਤਰਤਾ

ਅਕਤੂਬਰ ਮਹੀਨੇ ਦੀ ਮਾਸਿਕ ਇਕੱਤਰਤਾ 1 ਅਕਤੂਬਰ ਨੂੰ ਢੁਡਿਆਲ ਖਾਲਸਾ ਸੀਨੀਅਰ ਸੈਕੰ: ਸਕੂਲ, ਪਟਿਆਲਾ ਵਿਖੇ ਹੋਈ।

ਤਸਵੀਰਾਂ ਆਪੂੰ ਬਿਆਨਦੀਆਂ

ਸਮਾਗਮ ਦੌਰਾਨ ਕਵੀ ਸੱਜਣ ਆਪਣੀ ਰਚਨਾ ਸੁਣਾਉਂਦਿਆਂ ਹੋਇਆਂ।

ਮੰਚ ਉੱਤੇ ਸ਼ਸ਼ੋਭਿਤ ਪ੍ਰਧਾਨਗੀ ਮੰਡਲ।

ਸਰੋਤੇ ਅਤੇ ਸਾਹਿਤਕਾਰ ਸੱਜਣ ਕਿਸੇ ਡੂੰਘੀ ਨਜ਼ਮ ਦਾ ਅਰਥ ਸਮਝਦੇ ਹੋਏ।

ਰੂ-ਬਰੂ: ਸ. ਬਲਬੀਰ ਸਿੰਘ ਮੋਮੀ, ਬਰਾਮਪਟਨ, ਕੈਨੇਡਾ।